قر ورتالىق سايلاۋ كوميسسياسى رەفەرەندۋمعا كەلۋشىلەردىڭ ارالىق قورىتىندىلارىن جاريالاپتى. ول بويىنشا: كەلۋشىلەر سانى 57 پايىزدان، داۋىس بەرۋشىلەر سانى 7 ميلليوننان اسقان ەكەن.

رەفەرەندۋمعا دەيىنگى دايىندىق پەن ۇگىت-ناسحاتقا از عانا ۋاقىت بولىنگەنىنە قاراماستان، پىكىرتالاستار قىزۋ جۇرگەنىن ءبارىمىز كوردىك.

بۇگىن ونشاقتى باقىلاۋشى ۇيىمدار مەن توپتار وكىلدەرى بەلسەندى تۇردە باقىلاۋشىلىق جاساپ جاتىر.

ەسىم-سويلارى ەلگە بەلگىلى ادامدار دا، ءتۇرلى سالا وكىلدەرى دە، ءتىپتى «ديۆنوزاۆر» دا كەلىپ جاتقانىن جەلىلەردەن كورىپ وتىرمىز. كەي جەرلەردە تالاس-تارتىس، كەي جەرلەردە «كانسەرت-توي» بولىپ ءوتىپ جاتىر. دەسە دە داۋىس بەرۋ ۋچاسكەلەرى قاڭىراپ تۇرعان جوق.

رەفەرەندۋمعا دەيىن دە ەڭ قىزۋ تالقى، ونان كەيىنگى اەس جاقتاۋشىلارى مەن قارسىلاردىڭ اشىق دەباتتارى ءوتتى. سولاردىڭ ەڭ قىزۋ وتكەنى الماتىدا. ناتيجەسى. كەستەدەن دە كورىنىپ تۇر عوي. ال اقىرعى ناتيجەنى كەيىنىرەك كورە جاتارمىز.

Abai.kz