يتاليا حالىقارالىق قاتىناستار ينستيتۋتىنىڭ ساراپشىسى فەدەريكو كاستيلوني قازاقستاندا 23 تامىزدا وتەتىن پارلامەنتتىك سايلاۋ 2026 جىلعى ناۋرىزدا وتكەن جالپىحالىقتىق رەفەرەندۋمدا ازاماتتار قولداعان كونستيتۋتسيالىق رەفورمانى جۇزەگە اسىرۋدىڭ زاڭدى جالعاسى دەپ ەسەپتەيدى.

ونىڭ ايتۋىنشا، 1 شىلدەدەن باستاپ كۇشىنە ەنگەن كونستيتۋتسيالىق وزگەرىستەر زاڭ شىعارۋشى بيلىك قىزمەتىنىڭ جاڭارتىلعان قۇقىقتىق نەگىزىن قالىپتاستىردى. بۇل ەلدىڭ ساياسي جۇيەسىن ودان ءارى دامىتۋعا مۇمكىندىك بەرەدى.

فەدەريكو كاستيلوني الداعى سايلاۋ قازاقستان ازاماتتارىنىڭ ساياسي ومىرگە كەڭىرەك قاتىسۋىنا ىقپال ەتەدى دەگەن ءۇمىت ءبىلدىردى. سونداي-اق، ساراپشىنىڭ پىكىرىنشە، بۇل سايلاۋ قوعامنىڭ دەموكراتيالىق ينستيتۋتتارعا دەگەن سەنىمىن نىعايتۋعا جانە زاڭ شىعارۋ جۇيەسىنىڭ لەگيتيمدىلىگىن ودان ءارى ارتتىرۋعا ىقپال ەتۋى مۇمكىن.

ساراپشىنىڭ ايتۋىنشا، پارلامەنتتىك سايلاۋدىڭ جاڭا كونستيتۋتسيالىق-قۇقىقتىق جاعدايدا ءوتۋى قازاقستانداعى وكىلدى دەموكراتيانىڭ دامۋىنىڭ جاڭا كەزەڭىن باستاپ، ەلدە جۇرگىزىلىپ جاتقان ساياسي رەفورمالاردىڭ جۇيەلى تۇردە جۇزەگە اسىپ جاتقانىن كورسەتەدى.

Abai.kz