ىقىلاس وجايۇلى. «ويلاندىرماۋ» ويىنى
رۋس قوعامىنىڭ ەل بولعالى ەرمەك ەتكەن ءبىر قاعيداتى – قولدان قۇداي جاساۋ تەحنولوگياسى. پاتشالىق رەسەيدىڭ دىنمەن نە ءۇشىن اراز بولعاندىعىن ەندى تۇسىنگەن شىعارسىز. سەبەبى ناعىز قۇداي تۇرعاندا جاساندى قۇدايلارعا ءسىرا دا ورىن جوق. ءدىننىڭ تانىمدىق (اللاعا سەرىك قوسپاۋدىڭ) نەگىزگى ماقسۇتى دا وسى-تۇعىن.
ارعىسى نيكولاي، بەرگىسى لەنين مەن ستاليندەر دە جوعارىداعى تەحنولوگيانىڭ كەزەكتى ونىمدەرى بولاتىن. ەندى ويلانىپ كورىڭىز، «قۇداي» ءوزىنىڭ ناعىز قۇداي ەكەندىگىن سەزىنۋ ءۇشىن وعان قۇلشىلىق ەتۋشى، دالىرەك ايتساق تۇلا بويىمەن ءتاۋ ەتىپ تابىنار توبىر كەرەك. ءبىزدىڭ ءالى كۇنگە پايىمداي الماعان توتاليتارلىق رەجيم تابيعاتىنىڭ بار قۇپياسى وسى عانا.
ونىڭ پاتشاعا ماداق، حالىققا تاماق اتتى قوس تاسىلدەن تۇراتىن قاراپايىم عانا مەحانيزمى بار. بىزدەگى الەۋمەتتىك اتتى كرەديتتىك سانانىڭ مەملەكەتتىك ماسشتابقا (ساناعا) ۇلاسىپ، ۇلت پەن ۇرپاق حاقىندا ويلاي الماۋى دا وسى ءسوزىمىزدىڭ ايعاعى.
ويلاۋ دەگەننەن شىعادى تىرشىلىك قازىعىنا ارقاندالعان جانباعار حالىقتىڭ ويلاۋ مەن وقۋعا ەشقانداي ۋاقىتى دا جوق. حالىقتى ماڭگىلىككە قۇل ەتىپ ساناسىنا شىرە، تاقىمىنا بۇراۋ سالىپ، تىرپ ەتكىزبەي تۇنشىقتىرۋدىڭ عاجايىپ ءتاسىلى دە وسى.
رۋس قوعامىنىڭ ەل بولعالى ەرمەك ەتكەن ءبىر قاعيداتى – قولدان قۇداي جاساۋ تەحنولوگياسى. پاتشالىق رەسەيدىڭ دىنمەن نە ءۇشىن اراز بولعاندىعىن ەندى تۇسىنگەن شىعارسىز. سەبەبى ناعىز قۇداي تۇرعاندا جاساندى قۇدايلارعا ءسىرا دا ورىن جوق. ءدىننىڭ تانىمدىق (اللاعا سەرىك قوسپاۋدىڭ) نەگىزگى ماقسۇتى دا وسى-تۇعىن.
ارعىسى نيكولاي، بەرگىسى لەنين مەن ستاليندەر دە جوعارىداعى تەحنولوگيانىڭ كەزەكتى ونىمدەرى بولاتىن. ەندى ويلانىپ كورىڭىز، «قۇداي» ءوزىنىڭ ناعىز قۇداي ەكەندىگىن سەزىنۋ ءۇشىن وعان قۇلشىلىق ەتۋشى، دالىرەك ايتساق تۇلا بويىمەن ءتاۋ ەتىپ تابىنار توبىر كەرەك. ءبىزدىڭ ءالى كۇنگە پايىمداي الماعان توتاليتارلىق رەجيم تابيعاتىنىڭ بار قۇپياسى وسى عانا.
ونىڭ پاتشاعا ماداق، حالىققا تاماق اتتى قوس تاسىلدەن تۇراتىن قاراپايىم عانا مەحانيزمى بار. بىزدەگى الەۋمەتتىك اتتى كرەديتتىك سانانىڭ مەملەكەتتىك ماسشتابقا (ساناعا) ۇلاسىپ، ۇلت پەن ۇرپاق حاقىندا ويلاي الماۋى دا وسى ءسوزىمىزدىڭ ايعاعى.
ويلاۋ دەگەننەن شىعادى تىرشىلىك قازىعىنا ارقاندالعان جانباعار حالىقتىڭ ويلاۋ مەن وقۋعا ەشقانداي ۋاقىتى دا جوق. حالىقتى ماڭگىلىككە قۇل ەتىپ ساناسىنا شىرە، تاقىمىنا بۇراۋ سالىپ، تىرپ ەتكىزبەي تۇنشىقتىرۋدىڭ عاجايىپ ءتاسىلى دە وسى.
وكىنىشتىسى سول، «ويلاندىرماۋ» ويىنىنىڭ ويىنشىعىنا (قۋىرشاعىنا) اينالعان بىزدەرگە قالعانى – تەك جاساندى «جاراتۋشىلارعا» ارناپ جاپپاي جاراپازان ايتۋ. وسى جولدا قاستەرلى عىلىم مەن قاسيەتتى ءدىندى (قۇران مەن ءحاديستى دە) اياۋسىز بۇرمالاپ، قاسيەتسىز ساياساتتىڭ قولجاۋلىعىنا اينالدىردىق. مەملەكەت ساياساتى عىلىم مەن يمانعا بەيىمدەلمەي، كەرىسىنشە ءدىن مەن عىلىمدى وزدەرىنىڭ تەرىس پيعىلىنا بەيىمدەدى. اللادان اراشا دەيمىز، انتۇرعاندىقتىڭ بۇدان اسقان شەگى بولماسا كەرەك. كادىمگى پەرعاۋىندىق كەپ. بىزگە دە مۇسا پايعامبارداي ازاتتىق جارشىسىنىڭ اۋاداي قاجەت ەكەندىگىن ءسات سايىن ساناڭ سەزەدى...
بۇرىن شىن بار بۇگىن شىن،
ەرتەڭ شىن بار ءۇش بولەك.
كەرەگى جوق بۇلاردىڭ،
بۇزىلمايتىن شىن كەرەك.
(شاكارىم)
«مۇرتتى قۇداي»، «مۇرتسىز قۇداي»، «كۇن قۇداي»،
مىناۋ ەلگە نە بوپ كەتكەن قۇرعىر-اي؟
ءپاني دۇنيە – پەرعاۋىندار مەكەنى،
قايداسىڭ سەن...
راحىمدى شىن قۇداي؟
اقىل ايتقىش اعالار-اي، اعالار،
اۋىزىنا شومىلدارعان كۇن-ايدى.
قىزىل تىلمەن اللا ەسىمىن ايعىزداپ،
الداماڭىز قۇدايدى.
توپاس تانىم جارىعى جوق ءتۇن دەسە...
تۇرعىنىمىز سول تۇرمەنىڭ ەندەشە.
ءتورت اياقتى جانۋار عوي ادامزات،
ءتورت كوز تۇگەل كورمەسە.
توبە كوزدىڭ بەزدەر ءوسىپ تۇبىنەن،
ءسۇردىم سولاي سۋ قاراڭعى عۇمىر مەن.
ادامزاتقا ورالادى شىن قۇداي
ار دەيتۇعىن
قاۋىشقان كۇن ۇعىممەن.
Abai.kz
