قازاقستاندا سپورت فەدەراتسيالارىنىڭ اقشاسىن تەكسەرەتىن كوميسسيا قۇرىلدى. بۇل كوميسسيا سپورت سالاسىنىڭ بارلىق دەڭگەيىندە بىرىڭعاي باسقارۋ ۆەرتيكالىن قالىپتاستىرادى دەگەن ءۇمىت بار.

«پرەزيدەنت قاسىم-جومارت توقاەۆ ءحححىىى جازعى وليمپيادا جۇلدەگەرلەرىمەن كەزدەسكەن كەزدە سپورتتا باسقارۋدىڭ ءتيىمدى جۇيەسىن قالىپتاستىرۋدى، ونىڭ ىشىندە وڭىرلەردە سپورت تۇرلەرىن قارجىلاندىرۋ ساياساتىن ايقىنداۋدى تاپسىرعان بولاتىن»، - دەپ حابارلادى تۋريزم جانە سپورت مينيسترلىگى.

مينيسترلىك ءدال وسى تاپسىرمانى ورىنداۋ ءۇشىن جۇمىس توبىن قۇرعان.

«جۇمىس توبى رەسپۋبليكالىق فەدەراتسيالاردىڭ قىزمەتىنە تالداۋ جۇرگىزىپ، ولاردىڭ قارجىلاندىرۋ تاسىلدەرىن قايتا قارايدى. سونداي-اق سپورت سالاسىنىڭ بارلىق دەڭگەيىندە بىرىڭعاي باسقارۋ ۆەرتيكالىن قالىپتاستىرۋ تەتىكتەرىن پىسىقتايدى. سونىمەن قاتار باسىم سپورت تۇرلەرىن ناقتىلاۋ، وڭىرلەردەگى سپورت سالاسىنا جاۋاپتى باسقارما باسشىلارىن تاعايىنداۋدى ۋاكىلەتتى ورگانمەن كەلىسۋ سەكىلدى ۇسىنىستار بەرەدى»، - دەپ جازعان مينيسترلىك رەسمي اقپاراتىندا.

Abai.kz