الماتى قالاسى قوعامدىق دامۋ باسقارماسىنىڭ قوعامدىق دامۋ ورتالىعىنىڭ باستاماسىمەن 14 قازان كۇنى SmArt.Point كوۆوركينگ - ورتالىعىندا «الماتى تۇلعالارى» جوباسىنىڭ ماراپاتتاۋ ءراسىمى وتكىزىلەدى.

«الماتى تۇلعالارى» جوباسى اياسىندا جەتىستىك پەن تابىس يدەيالارىن ناسيحاتتاپ، سۇيىكتى قالامىزدىڭ دامۋى مەن گۇلدەنۋىنە ۇلەس قوسقان قالا تۇرعىندارىنان 100 – دەن اسا ءوتىنىم ءتۇستى.

مۇقتاج جاندارعا قول ۇشىن سوزىپ، تۋعان قالاسىنا يگىلىگى ءۇشىن ىنتا-ىقىلاسىن بىرىكتىرگەن، ورتاق ادامگەرشىلىك قۇندىلىقتاردى ناسيحاتتاعان جوبادا كونكۋرستىق كوميسسيادان ىرىكتەلىپ، ۇزدىك دەپ تانىلعان «5 تۇلعانى»، «ۇرپاق تالىمگەرى»، «ۇلاعاتتى ۇستاز-ۇزدىك شاكىرت»، «قايىرىمدى كاسىپكەر»، «ۇزدىك باعبان-ۇلگىلى ازامات»، «ۇزدىك ۆولونتەر-مەيىرىمدى جان» نوميناتسيالارى بويىنشا ماراپاتتاۋ ءراسىمى، سونىمەن قاتار، بايقاۋ جەڭىمپازدارىنا جۇلدە قورىن تابىستاۋ كوزدەلگەن.

ءىس-شارانىڭ ماقساتى-ءوز سالاسىندا جەتىستىككە جەتكەن تۇلعالاردىڭ ۇلگىسىمەن تابىستىلىق يدەيالارىن ناسيحاتتاۋ جانە ىلگەرىلەتۋ بولىپ تابىلادى.

“الماتى تۇلعالارى” جوباسى جاستار اراسىندا ءپاتريوتيزمدى كۇشەيتۋگە، ولاردىڭ تاريحي جانە مادەني مۇراعا دەگەن قىزىعۋشىلىعىن ارتتىرۋعا باعىتتالعان. قازىرگى قوعامنىڭ دامۋىنا ۇلكەن ىقپال ەتكەن تۇلعالاردى تانۋ ارقىلى، بولاشاق ۇرپاق ءوزىنىڭ تاريحي تامىرلارىمەن ماقتانا الادى جانە سول تۇلعالاردىڭ ىزىمەن ءجۇرىپ، قوعامنىڭ دامۋىنا ۇلەس قوسۋعا ۇمتىلادى.

بۇل جوبا ءتۇرلى فورماتتاردا جۇزەگە اسىرىلۋدا: بيوگرافيالىق ماقالالار، دەرەكتى فيلمدەر، كورمەلەر جانە كوپشىلىك كەزدەسۋلەر. بۇل جۇمىستار ارقىلى حالىق الماتىنىڭ وتكەنىن جاڭعىرتىپ، بولاشاققا دەگەن كوزقاراسىن كەڭەيتەدى.

Abai.kz