قازاننىڭ 22-نەن 23-ىنە قاراعان ءتۇنى اقتاۋداعى 39-شى ىقشاماۋداننىڭ تۇرعىندارى پاتەرلەرىندە جىلۋ جوقتىعىنا نارازىلىق ءبىلدىرىپ، كوشەگە شىقتى. اشىنعان قالا تۇرعىندارى جولدى جاۋىپ، قالا اكىمىمەن كەزدەسۋدى تالاپ ەتتى.

الەۋمەتتىك جەلىلەردە ميتينگ وتەتىن جەرگە فورما كيگەن ادامداردىڭ كەلگەنىن كورسەتەتىن ۆيدەو پايدا بولدى. ولاردى تانۋ مۇمكىن بولمادى، ويتكەنى ولاردىڭ باستارى جابىق ءارى  كاپيۋشون كيگەن. قۇقىق قورعاۋ ورگاندارى قاتال ارەكەت جاساپ  نارازىلىق بىلدىرۋشىلەردى يتەردى، ال اشۋلانعان تۇرعىنداردىڭ ءبىرىن كوتەرىپ الىپ كەتتى.

وقيعا ورنىنا اقتاۋ قالاسىنىڭ اكىمى ابىلقايىر بايپاقوۆ كەلىپ، قالا تۇرعىندارىنىڭ ارىز-شاعىمدارىن تىڭدادى.

ال، جىلۋ ماسەلەسى تەك 39-شى شاعىن اۋدانعا قاتىستى ەمەس. قالانىڭ كوپتەگەن اۋداندارىنىڭ تۇرعىندارىنان جاپپاي شاعىمدار تۇسۋدە. جىلىتۋ ماۋسىمى 15 قازاندا باستالادى دەپ ۋادە ەتىلگەنىمەن، ۇيلەردىڭ كوپشىلىگىندە ءالى سۋىق.

Abai.kz