اقش رەسەيدىڭ كۋرسك وبلىسىنا 8 مىڭ سولتۇستىك كورەي ساربازى جىبەرىلگەنىن مالىمدەدى. بۇل تۋرالى اقش مەملەكەتتىك حاتشىسى ەنتوني بلينكەن ايتتى.

اقش-تىڭ باعالاۋىنشا، رەسەيدە 10 مىڭعا جۋىق سولتۇستىك كورەي ساربازى بار.

«سوڭعى مالىمەتتەر بويىنشا، ولاردىڭ 8 مىڭعا جۋىعى كۋرسك وبلىسىنا جەتكىزىلدى. ءبىز سولتۇستىك كورەي اسكەرلەردىڭ ۋكراين اسكەرلەرىنە قارسى جاۋىنگەرلىك ءىس-قيمىلدارعا قاتىسقانىن ءالى كورگەن جوقپىز. بىراق ءبىز ولاردىڭ سوعىسقا ارالاسۋى تاياۋ كۇندەرى بولادى دەپ كۇتۋدەمىز»، - دەيدى بلينكەن.

بلينكەننىڭ ايتۋىنشا، رەسەيلىكتەر كحدر ساربازدارىن ارتيللەريادا، درونداردا وقىتىپ، ولاردى بازالىق جاياۋ اسكەرلەر وپەراتسيالارىنا، سونىڭ ىشىندە وكوپتاردى قازۋعا دايىنداۋدا.

«ەگەر بۇل اسكەرلەر ۋكرايناعا قارسى اسكەري ءىس-قيمىلدارعا نەمەسە اسكەري ءىس-قيمىلداردى قولداۋ جونىندەگى وپەراتسيالارعا قاتىسسا، وندا ولار  اسكەري ماقساتقا پايدالانىلعان قوسىنعا اينالىپ شىعا كەلەدى»، - دەپ اتاپ ءوتتى بلينكەن.

اقش قورعانىس ءمينيسترى للويد وستين: «رەسەي كحدر اسكەرلەرىن رەسەيلىك كيىم-كەشەكپەن جانە جابدىقتارمەن قامتاماسىز ەتتى. رەسەي ولاردى ۋكرايناعا قارسى الدىڭعى قاتارداعى وپەراتسيالاردا پايدالانۋعا نيەتتى»، - دەپ مالىمدەدى.

ول ۆاشينگتون جاۋاپ شارالارىن قابىلداۋ ءۇشىن «ءوڭىردىڭ باسقا ەلدەرىندەگى ءوزىنىڭ وداقتاستارىمەن جانە سەرىكتەستەرىمەن تىعىز كونسۋلتاتسيالار جۇرگىزىپ وتىرعانىن» راستادى.

Abai.kz