مەملەكەتتىك كىرىستەر كوميتەتى، «قازاقستان مەن رەسەي شەكاراسىنداعى قۇرمانعازى وتكىزۋ پۋنكتىندە كولىك قۇرالدارىنىڭ جينالۋىنىڭ پايدا بولۋى تۋرالى» اقپاراتقا قاتىستى، كەلەسىنى حابارلايدى.

2024 جىلعى 4 قاراشاداعى جاعداي بويىنشا اتىراۋ وبلىسىنىڭ «قۇرمانعازى» وتكىزۋ پۋنكتىندە رەسەي فەدەراتسياسىنا باراتىن مارشرۋت بويىنشا 280-گە جۋىق جۇك اۆتوكولىگى جيناقتالعان.

كەپتەلۋدىڭ سەبەپتەرىنىڭ ءبىرى "اتىراۋ-استراحان" تاس جولىندا جۇرگىزىلگەن جوندەۋ جۇمىستارىنىڭ اياقتالۋ بولدى، بۇل كولىك قۇرالدارىنىڭ سانىنىڭ كۇرت وسۋىنە اكەلدى.

الايدا، اتالعان وتكىزۋ پۋنكتىنىڭ وتكىزۋ قابىلەتى تاۋلىگىنە 200 اكق قۇرايدى. ال وتكىزۋ پۋنكتىنە كۇن سايىن شامامەن 250-300 اكق كەلەدى.

ماسەلەنى جەدەل تۇردە شەشۋ ءۇشىن اتىراۋ وبلىسى بويىنشا مكد پۋنكتىندە جۇمىس ىستەيتىن ماماندار سانى 14 قىزمەتكەرگە دەيىن ۇلعايتىلدى.

ەستەرىڭىزگە سالا كەتەيىك، كولىك قۇرالدارىن وتكىزۋ وتكەن جىلدان باستاپ ەاەو ەلدەرىمەن 30 وتكىزۋ پۋنكتىندە، ونىڭ ىشىندە "قۇرمانعازى" وتكىزۋ پۋنكتىندە جوسپارلى تۇردە ىسكە قوسىلاتىن "CarGoRuqsat" ەلەكتروندىق كەزەك جۇيەسى ارقىلى جۇزەگە اسىرىلادى، ول اعىمداعى جىلدىڭ 9 قىركۇيەگىنەن باستاپ قولدانىلادى.

قازىرگى ۋاقىتتا ەلەكتروندى كەزەككە بايلانىستى پروبلەمالار جوق، بارلىق جۇرگىزۋشىلەردە ءوتۋ تالوندارى بار. وتكىزۋ پۋنكتىن كەسىپ وتكەنگە دەيىن ءبىر كۇن ىشىندە ەلەكتروندىق كەزەك مەرزىمدەرىنىڭ وتۋىنە قاتىستى قازىرگى ۋاقىتتا اقپاراتتىق جۇيەدە وتكىزۋ پۋنكتىنىڭ وتكىزۋ قابىلەتتىلىگى اسىپ كەتكەن جاعدايدا، كەزەكتى برونداۋ مۇمكىندىگى شەكتەلە وتىرىپ، سونداي-اق پاسپورتتىق، باقىلاۋدىڭ وزگە دە تۇرلەرىن جانە شەكتەس تاراپتىڭ وتكىزۋ قابىلەتتىلىگى مۇمكىندىكتەرى ەسكەرىلە وتىرىپ، پىسىقتاۋلار جۇرگىزىلگەنى حابارلانادى.

مەملەكەتتىك كىرىستەر كوميتەتى شەكارا قىزمەتىمەن بىرلەسىپ، كولىكتىڭ كەشىگۋىن ازايتۋ جانە وتكىزۋ پۋنكتىندەگى جاعدايدى تەزىرەك شەشۋ ءۇشىن بارلىق كۇش-جىگەرىن سالادى.

مەملەكەتتىك شەكارالار ارقىلى، ونىڭ ىشىندە مەملەكەتتىك كىرىستەر كوميتەتىنىڭ اقپاراتتىق جۇيەلەرىنىڭ كومەگىمەن ءجۇرۋ مارشرۋتتارىن الدىن الا جوسپارلاۋدى سۇرايمىز.

Abai.kz