اقتاۋدا وتكەن «ءاDILET EVENT» Open Air 10 مىڭ ادامنىڭ باسىن قۇراعان كەرەمەت ءان كەشى رەتىندە ەستە قالدى. «ادىلەت» پارتياسى رەسپۋبليكالىق سايلاۋالدى شتابى ماڭعىستاۋ وبلىسىنا ساپارىن دۇيسەنبىنىڭ كەشىندە كاسپي جاعاسىندا ۇيىمداستىرىلعان اۋقىمدى شارامەن قورىتىندىلادى.

سۋرەت: «ادىلەت» پارتياسىنان الىندى.

پارتيا تاراتقان اقپاراتقا قاراعاندا، كونتسەرت قوعامداعى بىرلىكتى نىعايتۋعا، ۇلتتىق مادەنيەتتى قولداۋعا، جاستاردىڭ شىعارماشىلىق الەۋەتىن دامىتۋعا جانە زاماناۋي قوعامدىق كەڭىستىكتەردى قالىپتاستىرۋعا باعىتتالعان.

ال جۇزدەگەن درون قولدانىلعان اقتاۋ اسپانىنداعى جارىق شوۋى كەشتىڭ باستى كوركى بولى. كوڭىلدى ساتكە جيىلعان قالا تۇرعىندارى مەن قوناقتارى قازاقستان كارتاسى، ەركىندىك پەن تاۋەلسىزدىگىمىزدىڭ نىشانى رەتىندە تانىلعان – قالىقتاعان قىران، سونداي-اق، شوۋدىڭ شارىقتاۋ شەگىندە مەملەكەتتىك تۋ بەينەسىن تامسانا تاماشالادى.

كونتسەرتتىك باعدارلامادا ەل كوزىنە ەتەنە تانىس سادراددين، كامشات جولدىباەۆا، ءاmre سىندى تانىمال قازاقستاندىق ونەرپازدار امفيتەاتردا كورەرمەنگە شىنايى جازعى مەرەكەنىڭ اتموسفەراسىن سىيلادى. وسىلاي Open Air كونتسەرتى «ادىلەت» پارتياسى رەسپۋبليكالىق سايلاۋالدى شتابىنىڭ ماڭعىستاۋ وبلىسىنداعى ءبىر كۇندىك جۇمىس باعدارلاماسىنىڭ قورىتىندى شاراسىنا اينالدى.

سۋرەت: «ادىلەت» پارتياسىنان الىندى.

ايتا كەتەيىك، ونىڭ الدىندا كۇندىز پارتيا وكىلدەرى توراعا ايبەك دادەبايدىڭ جەتەكشىلىگىمەن اقتاۋ جۇرتشىلىعىمەن، «قازازوت» اق ەڭبەك ۇجىمىمەن، اقتاۋ حالىقارالىق تەڭىز ساۋدا پورتىنىڭ قىزمەتكەرلەرىمەن، بالىق شارۋاشىلىعى سالاسىنىڭ جانە تەڭىز سەرۆيستىك ۇيىمدارىنىڭ وكىلدەرىمەن كەزدەسكەن ەدى. تۇستەن كەيىن شتاب مۇشەلەرى جاڭاوزەن قالاسىندا جۇمىسىن جالعاستىرىپ، مۇنايشىلارمەن جانە جۇمىس ىستەيتىن جاستارمەن جۇزدەستى.

كەزدەسۋلەر بارىسىندا پارتيا وكىلدەرى «ادىلەتتى بولاشاق ءۇشىن» سايلاۋالدى باعدارلاماسىنىڭ نەگىزگى باعىتتارىن تانىستىردى. وندا ونەركاسىپتى جانە مۇنايدى تەرەڭ وڭدەۋدى ودان ءارى دامىتۋ، ەڭبەك ادامدارىنىڭ قۇقىقتارىن قورعاۋ، ينجەنەرلىك ينفراقۇرىلىمدى جاڭعىرتۋ، كاسىپكەرلىكتى قولداۋ، كاسپي تەڭىزىنىڭ ەكوجۇيەسىن ساقتاۋ جانە سايلاۋالدى باعدارلامادا قامتىلعان باسقا دا سالالار بويىنشا ىمىرالى اڭگىمە ءوربىتتى. سونداي-اق ءوڭىر تۇرعىندارىنىڭ ۇسىنىستارىنا ەرەكشە نازار اۋدارىلىپ، ولار جۇيەلەنىپ، رەسپۋبليكالىق سايلاۋالدى شتابقا جولداناتىنى ايتىلدى.

ماڭعىستاۋ وبلىسىنا جاسالعان ساپار «ادىلەت» پارتياسىنىڭ وڭىرلىك ۇگىت-ناسيحات ناۋقانىنىڭ ەكىنشى كەزەڭى بولدى. بۇعان دەيىن رەسپۋبليكالىق سايلاۋالدى شتاب مۇشەلەرى تۇركىستان وبلىسىنا بارىپ، وندا دا بىرقاتار ماعىنالى كەزدەسۋ وتكىزگەن بولاتىن.

دايىنداعان:

«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.

تاپسىرىس بەرۋشى: ن.ت. مىڭجاساروۆ.

Abai.kz