يلون ماسك ترامپتى قولداۋ ءۇشىن قانشا قارجى جۇمسادى؟
SpaceX نەگىزىن قالاۋشى يلون ماسكتىڭ “America PAC” ساياسي كوميتەتى رەسپۋبليكاشىل كانديدات دونالد ترامپتىڭ پرەزيدەنتتىك ناۋقانىنا قولداۋ كورسەتۋ ءۇشىن شامامەن 200 ميلليون دوللار جۇمساعان.
بۇل تۋرالى «Associated Press» اقپارات كوزدەرىنە سۇيەنە وتىرىپ حابارلادى.
مالىمەتتەرگە سايكەس، ماسكتىڭ كوميتەتى ترامپتى قولداۋ ءۇشىن 200 ميلليون دوللار جۇمساعان، بۇل ميللياردەرلەردىڭ اقش سايلاۋىنا اسەر ەتۋ قابىلەتىنىڭ جاڭا كورسەتكىشىن بەلگىلەدى. Tesla جانە SpaceX باس ديرەكتورى بولگەن قارجى نەگىزىنەن داۋىس بەرۋ كورسەتكىشى تومەن بولعان ايماقتار مەن ءبىرىنشى رەت داۋىس بەرەتىن سايلاۋشىلاردى تارتۋعا باعىتتالعان.
ترامپ پرەزيدەنتتىك باسەكەدە ماسكتىڭ قولداۋىن جوعارى باعالادى.
باسىلىمنىڭ جازۋىنشا، ماسك ءوزىنىڭ X الەۋمەتتىك جەلىسىندە اقش-تىڭ ساياسي ماسەلەلەرىنە ۇنەمى تۇسىنىكتەمە بەرىپ، جىلدار بويى ساياسي بەلسەندىلىك تانىتىپ كەلەدى.
اتاپ ايتقاندا، ول ەكى پارتيانى دا قولدامايتىنىن ايتىپ، دەموكراتتار مەن رەسپۋبليكاشىلداردى اشىق سىناعان.
الايدا، ۋاقىت وتە كەلە ونىڭ كوزقاراسى كوبىرەك رەسپۋبليكاشىلدارعا قاراي اۋا باستادى جانە وسى جىلى يلون ماسك ترامپتى قولداۋ ءۇشىن «America PAC» ساياسي كوميتەتىن قۇردى.
Abai.kz
