جۇما, 4 ءساۋىر 2025
بيلىك 951 0 پىكىر 18 قاراشا, 2024 ساعات 18:13

شىمكەنت ونەرپازدارى نورۆەگيادا ونەر كورسەتتى

سۋرەت شىمكەنت قالاسى اكىمدىگىنىڭ رەسمي سايتىنان الىندى.

سىرتقى بايلانىستاردى نىعايتۋ ماقساتىندا شىمكەنت قالاسىنىڭ ونەرپازدارى نورۆەگيانىڭ وسلو جانە بەرگەن قالالارىندا ارنايى ءىس-شارا ۇيىمداستىردى.

2024 جىلدىڭ 13-15 قاراشا كۇندەرى قازاقستان رەسپۋبليكاسىنىڭ حالىق ءارتىسى مايرا مۇحامەدقىزى باستاعان ونەرپازدار نورۆەگيا كورولدىگىنىڭ وسلو جانە بەرگەن قالالارىندا ونەر كورسەتتى.

سالتاناتتى شارانى قازاقستان رەسپۋبليكاسىنىڭ نورۆەگيا كورولدىگىندەگى توتەنشە جانە وكىلەتتى ەلشىسى ءادىل قاپانۇلى تۇرسىنوۆ رەسمي اشىپ، نورۆەگيانىڭ بىرقاتار مەملەكەتتىك مينيسترلەرى، مادەنيەت قايراتكەرلەرى، ديپلوماتيالىق كورپۋس پەن قازاق دياسپوراسىنىڭ وكىلدەرى قاتىستى.

ءىس-شارا اياسىندا قازاقتىڭ حالىق اندەرى مەن كۇيلەرىنەن ۇسىنىلاتىن كونتسەرتتىك باعدارلاما وتكىزىلىپ، قوناقتارعا شىمكەنت قالاسىنىڭ گاسترونومياسى تانىستىرىلدى.

ءىسساپار بارىسىندا دەلەگاتسيا جەتەكشىسى ءمولدىر وڭداسىنوۆانى ەلشى ءادىل تۇرسىنوۆ رەسمي قابىلداپ، شىمكەنت پەن بەرگەن قالالارى اراسىندا باۋىرلاستىق  قارىم-قاتىناس ورناتۋ ماسەلەسى تالقىلانىپ، وسى رەتتە جۇرگىزىلەتىن جۇمىستاردىڭ جوسپارى جاسالدى.

ءوز كەزەگىندە، بەرگەن نورۆەگيانىڭ مادەني جانە ىسكەرلىك ورتالىعى بولىپ تابىلادى. باۋىرلاستىق قارىم-قاتىناس ورناتۋ جاڭا ينۆەستيتسيالىق جوبالاردى جۇزەگە اسىرۋعا جانە مادەني-ەكونوميكالىق بايلانىستاردى تەرەڭدەتۋگە مۇمكىندىك بەرەدى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1255
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3837
46 - ءسوز

بىزگە بەيمالىم باراق حان

جامبىل ارتىقباەۆ 2791