ءماجىلىس دەپۋتاتى ەلنۇر بەيسەنباەۆ  ء"بىز بىرگەمىز" قايىرىمدىلىق قورىنا قاتىستى پىكىرىن ءبىلدىردى.

"تەرگەۋ اياقتالعانىن كۇتۋ كەرەك. سوما دا قوماقتى. ءاربىر قايىرىمدىلىق قورىنىڭ باسشىسى حالىقتان كەلگەن ءاربىر تەڭگە ءۇشىن جاۋاپتى ەكەنىن ءبىلۋى كەرەك. ء"بىز بىرگەمىز" قايىرىمدىلىق قورىنىڭ "Amanat" پارتياسىنا قاتىسى جوق. قورداعى قامقورشىلار جاس ۆولونتەر بولدى. بۇل ءۇش جىل بۇرىن بولعان وقيعا. قازىر ولار بەلگىلى ءبىر جەتىستىككە جەتىپ، پارتيا قۇرامىنا كىردى، لاۋازىمدارعا يە بولدى. ول كەزدەگى جاس بالالاردى ۆولونتەر، بەلسەندى ازاماتتار رەتىندە بىلەمىن. پاندەميا كەزىندە ءبىز 600 مىڭ ازاماتقا كومەكتەستىك", - دەيدى دەپۋتات.

بەيسەنباەۆتىڭ سوزىنشە، حالىقتىڭ اڭقاۋلىعىن، سەنىمدىلىگىن قوعامدا پايدالاناتىندار بار.

"بۇل وسى قورعا قاتىستى عانا ماسەلە ەمەس. وندايلار كوپ. بۇكىلىن تەكسەرىپ، رەتكە كەلتىرۋ كەرەك. ءوزىم قايىرىمدىلىق قورلارىنا كومەكتەسىپ تۇرامىن. بىراق ء"بىز بىرگەمىز" قورىنا اقشا جىبەرمەدىم. سۋ تاسقىنى كەزىندە ءبىز پارتيانىڭ اتىنان كومەكتەستىك", - دەيدى بەيسەنباەۆ.

Abai.kz