2024 جىلدىڭ باسىنان باستاپ جەر رەسۋرستارىن باسقارۋ كوميتەتى جالپى اۋدانى 2,8 ملن گەكتار اۋماقتا 1748-دەن استام جوسپاردان تىس تەكسەرۋ جۇرگىزدى. تەكسەرۋ قورىتىندىسى بويىنشا 2,2 ملن گەكتار اۋماقتا جەر زاڭناماسىن بۇزۋشىلىقتاردى جويۋ تۋرالى 1342 ۇيعارىم بەرىلدى،دەپ حابارلايدى اۋىل شارۋاشىلىعى مينيسترلىگى.

بۇرىن بەرىلگەن نۇسقامالار نەگىزىندە 311,3 مىڭ گەكتار اۋىل شارۋاشىلىعى جەرلەرىن يگەرۋ باستالدى. 200,4 مىڭ گەكتار القاپتا پايدالانىلمايتىن جەرلەردى الىپ قويۋ بويىنشا سوت تالقىلاۋلارى جۇرگىزىلۋدە.

جاو قابىلداعان شەشىمدەردىڭ زاڭدىلىعىن مەملەكەتتىك باقىلاۋ شەڭبەرىندە 368,5 مىڭ گەكتار القاپتا اۋىل شارۋاشىلىعى ماقساتىنداعى جەرلەردى بەرۋ تۋرالى 875 زاڭسىز شەشىم انىقتالدى، ونىڭ ىشىندە 84 شەشىم جويىلدى. نەگىزگى بۇزۋشىلىقتار كونكۋرستىق راسىمدەردى اينالىپ وتۋگە جانە جالپىعا ورتاق پايدالانىلاتىن جايىلىمداردى زاڭسىز بولۋگە بايلانىستى.

جىل باسىنان بەرى اتقارىلعان جۇمىستاردىڭ قورىتىندىسى بويىنشا 2 ملن گەكتاردان استام جەر مەملەكەت مەنشىگىنە قايتارىلدى، بۇل 2024 جىلعى جوسپاردى مەرزىمىنەن بۇرىن ورىنداۋعا مۇمكىندىك بەردى.

Abai.kz