كەشە جەلىدە استاناداعى لەد-ەكرانداردىڭ بىرىندە رەسەي تۋىنىڭ ورنىنا ۋكراينا تۋى قويىلعان ۆيدەو تارادى. اتالمىش وقيعا بويىنشا ىشكى ىستەر مينيسترلىگى تۇسىنىكتەمە بەردى.

«كەشە «كەرۋەن مەديا» جشس-نە قاتىستى وقيعا بويىنشا قازاقستان رەسپۋبليكاسىنىڭ ىشكى ىستەر مينيسترلىگى تەرگەۋ امالدارىن باستادى. قازىرگى ۋاقىتتا وقيعانىڭ بارلىق ىقتيمال نۇسقالارى، ونىڭ ىشىندە تەحنيكالىق اقاۋلار مەن جابدىقتىڭ جۇمىسىنا سىرتتان زاڭسىز ارالاسۋ مۇمكىندىگى دە قاراستىرىلۋدا. قىلمىستىق ءىس قوزعالدى. بارلىق ءمان-جايلار انىقتالۋدا. زاڭسىز ارەكەتكە بارعاندار جاۋاپقا تارتىلاتىن بولادى» - دەلىنگەن حابارلامادا.

ەسكە سالساق، كەشە وسى وقيعانىڭ الدىندا استاناعا رەسەي پرەزيدەنتى ۆلاديمير پۋتين مەملەكەتتىك ساپارمەن ۇشىپ كەلگەن ەدى.

Abai.kz