حالقىمىز «بىرلىگى جوق ەل توزادى، بىرلىگى كۇشتى ەل وزادى»، — دەپ بەكەر ايتپاعانىن بايقايمىز. وعان سەبەپ قازاقستان ءارتۇرلى ۇلتتىڭ بەيبىتشىلىكتە ءومىر سۇرەتىن ەل بولىپ الەمگە تانىلۋى.

130 استام ۇلتتار  بەيبىت ءومىر سۇرۋدە. ولار ءبىر اتانىڭ بالاسىنداي ءبىر شاڭىراق استىندا ەڭبەك ەتىپ، تاتۋ ءتاتتى كۇن كەشۋدە. قانشاما جىلدان بەرى ىنتىماقتا، بىرلىكتە ءومىر ءسۇرىپ كەلۋى قازاق حالقىنىڭ  قوناقجاي ەكەندىگىن كورسەتەدى. بەيبىتشىلىك – ادامنىڭ ەڭ ۇلى، ەڭ اسىل قۇندىلىعى ەكەنى ءسوزسىز. كۇللى الەمدەگى تىنىشتىقتىڭ، بەيبىتشىلىكتىڭ ەڭ باستى كىلتى –  ساياسي ديپلوماتيا، ادامي قارىم-قاتىناس، مەملەكەتارالىق سىيلاستىق. ءبىر مەملەكەتتىڭ باسقا مەملەكەتتىڭ تەرريتوريالىق تۇتاستىعىن، ىشكى ساياساتىن قۇرمەتتەۋى. پرەزيدەنت قاسىم-جومارت توقاەۆ ءوز جولداۋىندا اتاپ وتكەندەي، قازاقستان دامۋىنىڭ نەگىزگى مىندەتتەرىنە تۇراقتى دامۋ ماقساتتارى اياسىندا جۇرگىزىلەتىن جۇمىستار ءبىرىنشى كەزەكتە اتقارىلۋى ءتيىس. تۇراقتى دامۋ ماقساتتارى (تدم)» — بۇل بىرىككەن ۇلتتار ۇيىمىنا مۇشە مەملەكەتتەر 2030 جىلدىڭ سوڭىنا دەيىن قول جەتكىزۋگە باعىتتالعان ماقساتتاردى قامتيتىن امبەباپ ارەكەتكە شاقىرۋ.تۇراقتى دامۋ ماقساتتارىنا جەتۋ ءۇشىن ەڭ باستىسى ەل ىشىندەگى تاتۋلىق ماڭىزدى.

كەز-كەلگەن ەلدىڭ تىلەگى دە، ونىڭ ارمانى دا حالقىنىڭ بەيبىتشىلىگىن ساقتاۋ ەكەنى ءسوزسىز. ەلىنىڭ ەكونوميكاسىن دامىتىپ، حالقىنىڭ قاۋىپسىزدىگىن نىعايتۋ ارقىلى ىشكى تۇراقتىلىقتى قامتاماسىز ەتەدى. ويتكەنى، بەيبىت ءومىر باقىت، بەرەكە، بىرلىك اكەلۋمەن بىرگە، ورلەۋ مەن وركەندەۋگە جول اشادى. دانا حالقىمىز «بايلىق بايلىق ەمەس، بىرلىك – بايلىق» دەپ بەكەر ايتپاسا كەرەك. بۇقارا حالىق ءاردايىم تى­نىش­تىقتا، ماڭگىلىك بەيبىت ءومىر ءسۇرۋدى ارماندايدى. بەيبىتشىلىك دەگەن – ادامزاتتىڭ ءوز ەلىندە ەركىن ءومىر ءسۇرىپ، شۋى جوق ورتادا ءوز بولاشاعىن قۇرۋى. بەيبىت زامان بارلىق ەلدىڭ باسىنا قوناتىن باق قۇسى ەمەس. الەمدە تاڭىنىڭ تىنىش اتىپ، كۇنىنىڭ تىنىش باتقانىن ارماندايتىن تالاي ادامزات ءومىر ءسۇرىپ جاتىر. ۇرپاعى­نىڭ اماندىعى كەلەشەگىنىڭ كەمەل­دىگىن بىلدىرەدى. بۇگىنگى ەلىمىزدىڭ بەيبىتشىلىگى – ءبىزدىڭ ورتاق ەڭبەگىمىزدىڭ ناتيجەسى عانا ەمەس، كەلەر ۇرپاققا ونەگە ­بولىپ قالارىنا سەنەمىن.

ءال-فارابي اتىنداعى قازۇۋ زاڭ فاكۋلتەتى زاڭ فاكۋلتەتى كەدەن، قارجى جانە ەكولوگيالىق قۇقىق كافەدراسى ءوز تاراپىمىزدان جوعارىدا اتالعان ماقساتتارعا جەتۋ جولىندا ۇلەسىمىزدى قوسۋدامىز. وقىتۋشىلار قۇرامى ستۋدەنتتەرمەن دوڭگەلەك ۇستەل،اكتسيالار،پىكىرسايىس ت.ب وتكىزۋدە.بولاشاق زاڭ سالاسىنىڭ ماماندارىنا قارا قاق جارعان ادىلەتتى بولۋعا شاقىرامىز. بۇگىندە ۇلتىمىزدىڭ باستى ماقتانىشى — وتكەننەن قالعان ونەگەنى ۇلگى تۇتاتىن، جۇرەگى ۇلتىنا دەگەن ماحابباتقا تولى جاستار دەسەك قاتەلەسپەيتىن بولارمىز. ەلىم دەپ ەمىرەنىپ، جۇرتىم دەپ جۇرەگى سوققان زيالى جاستار ارامىزدا از ەمەس. ەندەشە، ەڭسەسى بيىك وسى جاس بۋىننىڭ باستى مىندەتى — بەيبىت تە شۋاقتى كۇندەردى باعالاي ءبىلىپ، جاڭا اسۋلارعا ۇمتىلۋ، ەلىمىزدى جاڭا بەلەستەرگە جەتەلەۋ. 

يبراگيموۆ ا

ءال-فارابي اتىنداعى قازۇۋ-دىڭ زاڭ فاكۋلتەتى كەدەن، قارجى جانە ەكولوگيالىق قۇقىق كافەدراسىنىڭ وقىتۋشىسى

لاي س

ءال-فارابي اتىنداعى قازۇۋ-دىڭ زاڭ فاكۋلتەتى كەدەن، قارجى جانە ەكولوگيالىق قۇقىق كافەدراسىنىڭ ءبىلىم الۋشىسى

Abai.kz