قازاقستاننىڭ ءداندى داقىلدار ەكسپورتتىنىڭ گەوگرافياسى 40-تان استام ەلدى قامتيدى. ورتالىق ازيا، اۋعانستان، قىتاي، تۇركيا، يران، يتاليا، تۋنيس ءداستۇرلى نارىق ەلدەرى سانالادى.

بيىلعى قاراشا ايىنىڭ سوڭىنداعى جاعداي بويىنشا 6,3 ملن توننا استىق ەكسپورتتالدى. جاڭا ءونىم ەكسپورتى 2,37 ملن تونناعا جەتتى، بۇل 2023 جىلمەن سالىستىرعاندا 52%-عا ارتىق.

وزبەكستانعا استىق جەتكىزۋ 944 مىڭ تونناعا جەتتى، كورسەتكىش 42%-عا ارتتى. تاجىكستانعا استىق جەتكىزۋ 49%-عا ءوسىپ، 377 مىڭ توننا بولدى.

قىتايعا ەكسپورت كولەمى 17%-عا ءوسىپ، 355 مىڭ تونناعا جەتتى.

اۋعانستانعا استىق جەتكىزۋ كولەمى 71%-عا ۇلعايىپ، 115 مىڭ توننا بولدى.

يرانعا ەكسپورت كولەمى 30 ەسەگە ۇلعايىپ، 299 مىڭ تونناعا جەتتى. بيىل ەلىمىزدىڭ ەكسپورتتىق الەۋەتى 12 ملن تونناعا جەتەدى دەپ بولجانىپ وتىر.

Abai.kz