دونالد ترامپ رەسەي مەن ۋكراينانى كەلىسسوزگە شاقىرىپ، سوعىستى اياقتاۋ كەرەكتىگىن ايتتى. ول ۋكراينا بيلىگى كەلىسسوزدى قالايتىنىن، ال رەسەيدىڭ كوپ اسكەري شىعىنعا ۇشىراپ، بۇل سوعىستا جەڭىلىس تاپقانىن مالىمدەدى. بۇل تۋرالى Mezgil.kz اقپاراتتىق پورتالى جازدى. 

«پۋتين بۇل سوعىستى اياقتايتىن ۋاقىت كەلگەنىن ويلانۋى كەرەك، ويتكەنى ول جەڭىلىس تاپتى. 700 مىڭ ادامىڭنان ايىرىلعان ساتتە، سەن توقتايتىن ۋاقىتتىڭ كەلگەنىن ءتۇسىنۋ كەرەكسىڭ. بەيبىت كەلىسىم جاسالماسا، بۇل توقتامايدى»، - دەدى ترامپ New York Post سايتىنا بەرگەن سۇحباتىندا.

ال زەلەنسكي بىلاي دەيدى:

«مەن پرەزيدەنت ماكرونعا دا، پرەزيدەنت ترامپقا دا باسا ايتتىم: پۋتين بۇل سوعىستىڭ بىتكەنىن قالامايدى! سوندىقتان ونى ماجبۇرلەۋ كەرەك! ول ءۇشىن ۋكراينا كۇشتى بولۋى كەرەك! كەز كەلگەن ديپلوماتيادان بۇرىن سوعىس الاڭىنداعى كۇشتى ۋكراينانى جاساۋ كەرەك! بۇل دەگەنىڭىز - كۇشتى ارميا، قارۋ-جاراق پاكەتتەرى. بۇل – ATACMS پەن TAURUS. بۇل – Storm Shadow مەن SCALP. مۇنىڭ ءبارى بىزگە وتە قاجەت»، - دەيدى.

ترامپ وسىعان دەيىن رەسەيدىڭ ولگەنى بار، جارالىسى بار، جالپى ادام شىعىنى 600 مىڭدى قۇرايتىنىن، ال ۋكراينانىڭ قازا تاپقانى مەن جارالىسىن قوسقانداعى ادام شىعىنى 400 مىڭدى قۇرايتىنىن ايتتى.

ال پەنتاگون باسشىسى للويد وستين: «رەسەي 2022 جىلدىڭ اقپانىنان بەرى قاراي سوعىسقا 200 ملرد دوللار جۇمسادى. رەسەيدىڭ ەڭ وسىل جەرى – ونىڭ ەكونوميكاسى. سوندىقتان، سانكتسيالاردى كۇشەيتۋ كەرەك. ءپۋتيندى وسىلاي عانا كەلىسسوزگە ماجبۇرلەۋگە بولادى»، - دەپ مالىمدەدى.

Abai.kz