ءماجىلىس دەپۋتاتى باقىتجان بازاربەك جوعارى اۋديتورلىق پالاتانىڭ سۋبسيديا سالاسىنا جۇرگىزگەن ءاۋديتتىڭ قورىتىندىسىن تالقىلاۋ كەزىندە ادام اقىلىنا سىيمايتىن زاڭسىزدىقتارىن بەتىن اشقان.

ءباسپاسوز ءماسليحاتىندا ءاليحان سمايىلوۆ دەپۋتات كەلتىرگەن دەرەكتەردىڭ راس ەكەنىن ايتتى.

— سۋبسيديا جىمقىرۋ تاسىلدەرىنىڭ شەكتەن شىققان سونشا 1299 ايلىق ءىرى قاراعا سۋبسيديا تولەۋ فاكتىسى انىقتالعان. بۇل 108 جىل دەگەن ءسوز. 1917 جىلدىڭ ناۋرىزىندا تۋعان مال دەپ كەلتىرگەن. باسقاشا ايتساق، اكىمدىكتەر امانگەلدى يمانوۆ كوتەرىلىسى باستالاردان ەكى جىل بۇرىن تۋعان سيىرعا سۋبسيديا بەرگەن، — دەگەن دەپۋتات باقىتجان بازاربەك.

جوعارى اۋديتورلىق پالاتا توراعاسى بۇل فاكتى اۋديت كەزىندە انىقتالعانىن ايتادى.

— ول فاكتىلەر شىنىمەن دە بار. ول فاكتىلەر اۋديتورلىق قورىتىندىنى دەرەكتەرىنەن الىنىپ وتىر. كەيبىر اۋىلشارۋاشىلىق قۇرىلىمدار ءتيىستى مولشەردەن جوعارى كولەمدە سۋبسيديا العانى تۋرالى فاكتىلەر بار. ءبىر ءىس-شاراعا ەكى مارتە سۋبسيديا الۋ دەرەكتەرى كەزدەسەدى. وكىنىشكە قاراي، بۇل فاكتىلەردىڭ ءبارى اۋىل شارۋاشىلىعى سالاسىن تسيفرلاندىرۋدىڭ تالاپقا ساي بولماي تۇرۋىمەن بايلانىستى، — دەدى ول.

پالاتا باسشىسى باقىتجان بازاربەك كەلتىرگەن دەرەك وڭتۇستىك وڭىرلەردىڭ بىرىندە تىركەلگەنىن ايتتى.

Abai.kz