ەلىمىزدە توتەنشە جاعدايلاردىڭ الدىن الۋ جۇيەسى جاقسارۋدا، دەيدى قر ۇكىمەتى.

2024 جىلى ەلىمىزدىڭ قۇتقارۋشىلارى 83,3 مىڭنان استام شىعۋدى ورىندادى، ونىڭ 10 مىڭى – ورتكە قارسى، 19 مىڭى – اپاتتى-قۇتقارۋ جۇمىستارىنا بايلانىستى بولدى.

جىل باسىنان بەرى 14 مىڭنان استام ادام قۇتقارىلىپ، 66,5 مىڭنان استام ادام ەۆاكۋاتسيالاندى، ال 8 مىڭ ادام العاشقى مەديتسينالىق-پسيحولوگيالىق كومەك الدى. اتالعان دەرەكتەر قۇتقارۋ قىزمەتىنىڭ توتەنشە جاعدايلارعا دايىندىعىنىڭ جوعارى دەڭگەيىن راستايدى.

تج الدىن الۋعا ەرەكشە نازار اۋدارىلادى. زاماناۋي تەحنولوگيالار، سونىڭ ىشىندە دروندار مەن گەواقپاراتتىق جۇيەلەر تاۋەكەلدەردى ۋاقتىلى باقىلاۋعا كومەكتەسەدى. ورمانداردا ءورتتى ەرتە انىقتاۋ جۇيەسىن ەنگىزۋ تابيعي ورتتەردىڭ سانىن وتكەن جىلمەن سالىستىرعاندا 2,6 ەسەگە ازايتۋعا مۇمكىندىك بەردى.

سونىمەن قاتار 2024 جىلى قۇتقارۋ قىزمەتتەرىنىڭ ماتەريالدىق-تەحنيكالىق بازاسىن جاڭارتۋ جالعاسىن تاپتى. پيلوتتىق جوبادا قوستاناي وبلىسىندا قۇتقارۋشىلار ءۇشىن جاڭا كيىم-كەشەك ءساتتى سىنالدى، ال استانادا 3,5 ايدىڭ ىشىندە تەز سالىناتىن كونسترۋكتسيالاردان ءورت دەپوسى سالىندى. مۇنىڭ ءبارى توتەنشە جاعدايلارعا جەدەل ءارى ءتيىمدى تۇردە دەن قويۋعا ىقپال ەتەدى.

Abai.kz