قاسىم-جومارت توقاەۆ پرەزيدەنت اكىمشىلىگى باسشىسىنىڭ ءبىرىنشى ورىنباسارىن قابىلدادى. بۇل تۋرالى اقوردا تەلەگرام ارناسى جازدى.

پرەزيدەنت كەزدەسۋ بارىسىندا دارحان ساتىبالدىنىڭ تۇركىستان وبلىسىندا اتقارعان جۇمىسىنا جوعارى باعا بەردى.

قاسىم-جومارت توقاەۆ پرەزيدەنت اكىمشىلىگى باسشىسىنىڭ ءبىرىنشى ورىنباسارى لاۋازىمى باسقارۋ پروتسەسى مەن ايماقتار اراسىنداعى ىقپالداستىقتى جەتىلدىرۋ، ءوزىنىڭ تاپسىرمالارى مەن شەشىمدەرىنىڭ جەرگىلىكتى جەردە ورىندالۋ بارىسىنا باقىلاۋدى كۇشەيتۋ، سونداي-اق قابىلدانعان شارالاردىڭ ساپاسىن جاقسارتىپ، ازاماتتاردىڭ مەملەكەتتىك ينستيتۋتتارعا سەنىمىن نىعايتۋ ماقساتىندا ەنگىزىلىپ وتىرعانىن اتاپ ءوتتى.

سونىمەن قاتار پرەزيدەنت اكىمشىلىگى باسشىسىنىڭ ءبىرىنشى ورىنباسارىنا ناقتى مىندەتتەر جۇكتەلدى.

Abai.kz