Kaspi بانكتە تىركەلگەن ۇيالى تەلەفون نومىرىنە كوپ اقشا تۇسەتىن ازاماتتارعا ايىپپۇل سالۋ ماسەلەسى قازىر كوپ تالقىلانىپ جاتىر. ازىرگە بۇل ۇسىنىس. ۇكىمەتتىڭ الەۋمەتتىك سالاسىنىڭ تىزگىنىن ۇستاعان ۆيتسە-پرمەر تامارا دۇيسەنوۆا بۇل جايلى ويلايدى؟ Ulysmedia.kz تىلشىسى بۇل سۇراقتى دۇيسەنوۆاعا قويدى.

دۇيسەنوۆا نە دەيدى

– ول ءالى بەكىتىلگەن جوق. ءبىزدىڭ سالامىزداعى ازاماتتار دا بۇل ماسەلەنى قاراستىرىپ جاتىر. سوندىقتان، ءوز ماماندارىمىزبەن قاراستىرعاننان كەيىن قوسىمشا جاۋابىن بەرەمىز. مەملەكەتتىك ورگانداردىڭ دا پىكىرىن قازىر قاراپ وتىرمىز.

ماسەلە جونىندە قارجى مينيسترلىگىنە ءوز پىكىرىمىزدى ايتامىز. جۇمىستى توبىندا ءبىر ەمەس، ون شاقتى ادام بولعاننان كەيىن ءبارىنىڭ پىكىرى كونسەنسۋالدى شىققاننان كەيىن ايتقان دۇرىس شىعار. ءالى بىرىڭعاي پىكىرگە كەلگەن جوقپىز، – دەدى تامارا دۇيسەنوۆا.

نە وزگەرەدى

كىرىستەر كوميتەتى بۇعان دەيىن جاڭا ەرەجە كۇشىنە ەنگەننەن كەيىن، جەكە تۇلعالاردىڭ ءموبيلدى اۋدارىمدارى تەك جوعارىدا اتالعان كريتەريلەرگە سايكەس كەلسە عانا تەكسەرىلەتىنىن، ەگەر بۇل ەرەجە بۇزىلسا، ايىپپۇل سالىنۋى مۇمكىن ەكەنىن ەسكەرتكەن ەدى. زاڭ بويىنشا كاسىپكەرلىك قىزمەتپەن تىركەلمەي اينالىساتىن جەكە تۇلعالارعا ايىپپۇل قاراستىرىلعان:

- ءبىرىنشى رەت بۇزعانى ءۇشىن – 15 اەك (2024 جىلى 55 380 تەڭگە);

- قايتالانعان جاعدايدا – 30 اەك (2024 جىلى 110 760 تەڭگە).

ازىرگە مەملەكەتتىك كىرىستەر كوميتەتىنىڭ بۇل ۇسىنىسىن ۇلتتىق بانك زەرتتەپ جاتىر.

Abai.kz