قوعامدا ءجيى تالقىلاۋعا تۇسكەن ماسەلەنىڭ ءبىرى «ەلىمىزدە اەس سالۋ كەرەك پە, جوق پا?» دەگەن تاعدىرلى دا تولعامدى ماسەلە. بۇنى قولداۋشىلار دا، قارسى شىعۋشىلار دا بار ەكەنى شىندىق.

پرەزيدەنت قاسىم-جومارت توقاەۆ ءوز سوزىندە: «يادرولىق ونەركاسىپ سالاسى قازىردىڭ وزىندە ەنەرگەتيكا تاپشىلىعىنا تاپ بولىپ وتىرعان ەكونوميكامىزدى وركەندەتۋگە زور سەرپىن بەرەدى. قازاقستان يادرولىق ەنەرگەتيكاسى دامىعان ەلگە اينالۋى قاجەت دەپ سانايمىن. ونىڭ بولاشاعى زور»، - دەي كەلە，ەلىمىزدە ەكىنشى، ءۇشىنشى اەس سالىنۋى مۇمكىن ەكەنىن جوققا شىعارمادى.

اتالعان جوباعا باتىس ەلدەرى دە قىزىعۋشىلىق تانىتىپ وتىرعانىن ايتقان ول رەسەي باسشىسى ەلىمىزگە ساپارلاي كەلگەندە، بۇل ماسەلە تۋرالى تالقىلاۋ بولعانىن العا تارتتى.

«جوباعا تاپسىرىس بەرۋشى رەتىندە قازاقستان جاعى كونسورتسيۋمدا باس وپەراتور بولادى دەپ ۋاعدالاستىق. اتوم ستانسالارىن سالۋعا بايلانىستى شەتەلدەردە تاجىريبەسى مول، بىلىگى جوعارى «روساتوم» كومپانياسىنىڭ جوباعا قاتىسۋى مۇمكىن ەكەنى ايتىلدى. سونداي-اق قىتايدىڭ ازاماتتىق ماقساتتا قولدانىلاتىن يادرولىق نىساندار سالۋ ىسىندەگى زور جەتىستىكتەرى ەسكەرىلە وتىرىپ، وسى ەلدىڭ كومپانياسىمەن دە كەلىسسوز جۇرگىزىلىپ جاتىر»، - دەدى پرەزيدەنت Ana tili گازەتىنە بەرگەن سۇحباتىندا.

سوڭعى ۋاقىتتا قازاقستاندا اەس سالۋ ماسەلەسى كوپشىلىكتىڭ نازارىن اۋدارىپ، وسى جوباعا دايىندىق رەتىندە بىرقاتار ءىس-شارالار جۇرگىزىلگەنى انىق. اەس جونىندە قوعامدا ءارتۇرلى سۇرپقتار تۋىنداپ، الەۋمەتتىك جەلىدە دە جپزبالار جاريالپندى. بىلايشا ايتقاندا，بۇل ماسەلەنىڭ انىق-قانىعى تۋرالى جۇرتشىلىق ءالى تولىق تۇسىنگەن جوق.

جاقىندا قاسىم-جومارت توقاەۆ اتوم ەنەرگەتيكاسىن دامىتۋ پەرسپەكتيۆاسىنا دا توقتالىپ: «اتوم ەلەكتر ستانتسياسىنىڭ قۇرىلىسىن جەدەلدەتۋ كەرەك. مەن Ana tili گازەتىنە بەرگەن سۇحباتىمدا ەكى ۇلكەن ستانتسيا سالاتىنىمىزدى ايتتىم. ولاردىڭ سانى ءتىپتى ۇشەۋ بولۋى دا مۇمكىن. قازاقستاندى يادرولىق ەنەرگەتيكاسى دامىعان، جاساندى ينتەللەكت قولدانىلاتىن، تسيفرلاندىرۋ تولىق كولەمدە جۇرگىزىلگەن ەلگە اينالدىرۋىمىز كەرەك»، – دەدى مەملەكەت باسشىسى.

اەس-ءتى قاي ەلدىڭ سالاتىنى جاقىندا بەلگىلى بولادى. مەملەكەت باسشىسىنىڭ پىكىرىنشە، قازاقستاندا ءبىر ەمەس، ەكى، ءتىپتى ءۇش اتوم ەلەكتر ستانتسياسى سالۆنسا，ەلىمىزدەگى اتوم ەنەرگەتيكاسى دامىعان ەل رەتىندە قاراستىرادى.

Abai.kz