مەملەكەت باسشىسى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆتى قابىلدادى. بۇل تۋرالى اقوردا حابارلادى.

اقىلبەك كۇرىشباەۆ:

– ۇلتتىق عىلىم اكادەمياسىنىڭ بىلتىرعى اتقارعان قىزمەتىنىڭ نەگىزگى ناتيجەلەرى جونىندە باياندادى;

– 2024 جىلى وتاندىق عىلىمنىڭ جاعدايىن باعامداپ، سالانى دامىتۋدىڭ باسىم باعىتتارىن ايقىنداۋ ماقساتىندا جۇرگىزىلگەن كەشەندى جۇمىس جونىندە مالىمەت بەردى: – بىلتىر باعدارلامالىق-نىسانالى قارجىلاندىرۋ كوزدەلگەن 113 عىلىمي-تەحنيكالىق تاپسىرماعا ساراپتاما جۇرگىزىلگەن، سونداي-اق 3 ينتەگراتسيالانعان پانارالىق عىلىمي-تەحنيكالىق باعدارلاما ازىرلەنگەن.

– قاسىم-جومارت توقاەۆ وتاندىق عىلىمنىڭ الەۋەتىن ارتتىرۋ ءۇشىن ودان ءارى جۇيەلى شارالار قابىلداۋ قاجەت ەكەنىنە نازار اۋداردى. تاياۋدا ۇلتتىق عىلىم اكادەمياسىنا پرەزيدەنت جانىنداعى جوعارى عىلىمي ۇيىم مارتەبەسىن بەرەتىن جارلىققا قول قويىلدى. ۇكىمەتكە اتالعان جارلىقتى جۇزەگە اسىرۋعا قاتىستى قۇقىقتىق ماسەلەلەردى جەدەلدەتۋ تۋرالى تاپسىرما بەرىلدى.

– سونداي-اق عىلىمدى قارجىلاندىرۋ 3,5 ەسە ۇلعايدى، «عىلىم جانە تەحنولوگيالىق ساياسات تۋرالى» جاڭا زاڭ قابىلداندى. جاس عالىمداردى الەۋمەتتىك تۇرعىدان قولداۋ كۇشەيتىلدى. پرەزيدەنتتىڭ تاپسىرماسىمەن ولارعا باسپانا بەرىلىپ جاتىر.

مەملەكەت باسشىسى ۇلتتىق عىلىم اكادەمياسىنا بىرقاتار مىندەت جۇكتەدى.

Abai.kz