شەرزات ءىسىن تەرگەۋ اياقتالدى. بۇل تۋرالى كەشە الماتى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى حابارلادى.

«وتكەن جىلدىڭ 4 قازانىنا قاراعان ءتۇنى ورىن العان كامەلەتكە تولماعان بالانى ءولتىرۋ فاكتىسى بويىنشا قىلمىستىق ءىستى تەرگەۋ اياقتالدى. قازىرگى ۋاقىتتا تاراپتاردى سوتقا دەيىنگى تەرگەۋ ماتەريالدارىمەن تانىستىرۋ پروتسەسى ءجۇرىپ جاتىر. تانىسقاننان كەيىن قىلمىستىق ءىس ونىڭ زاڭدىلىعىن تەكسەرۋ جانە سوتقا جىبەرۋ تۋرالى شەشىم قابىلداۋ ءۇشىن پروكۋرورعا جولدانادى»، - دەلىنگەن دەپارتامەنت مالىمدەمەسىندە.

بۇل حاباردى مارقۇمنىڭ وتباسىنىڭ ادۆوكاتتارى دا راستادى. بۇل تۋرالى مارقۇمنىڭ وتباسىنىڭ ادۆوكاتتارى رەسمي تۇردە مالىمدەدى.

«17 قاڭتاردا شەرزاتتىڭ ولىمىنە قاتىستى قىلمىستىق ءىس بويىنشا سوتقا دەيىنگى تەرگەۋ اياقتالدى. بۇل تۋرالى بىزگە حابارلاما كەلدى. ەندى ءبىز قىلمىستىق ءىس ماتەريالدارىمەن تانىسۋدى باستايمىز»، - دەيدى كارينا كوشەرباەۆا.

ەسكە سالايىق، الماتى وبلىسىنىڭ تالعار قالاسىندا جاپپاي توبەلەس بولىپ، شەرزات بولات قازا تاپقان ەدى. جۇرت نارازىلىعىنان كەيىن شەرزاتتىڭ قازاسىنا قاتىستى 5 باپ بويىنشا قىلمىستىق ءىس قوزعالىپ، بۇل وقيعاعا بايلانىستى 10 ادام ۇستالعان بولاتىن. كەيىن پوليتسيا تالعارداعى وقيعانىڭ تولىق ۆيدەوسىن جاريالاعان ەدى.

مارقۇم شەرزاتتىڭ قازاسىنان كەيىن ىلە-شالا ءۇيى وتقا ورانىپ، ول جەردەن ايعاق زاتتار تابىلعان ەدى.

9 جەلتوقسان كۇنى تالعار قالاسىنىڭ ماڭىندا قىلمىستىق ىستەگى بىردەن-ءبىر كۋاگەر شەرزات بولاتتىڭ اعاسىنىڭ دەنەسى تابىلدى. قوشتاسىپ جازبا حاتى جەلىدە تاراپ، وزىنە قول جۇمساعان مارقۇم دەلىندى.

ارتىنان مارقۇم شەرزاتتىڭ اكەسى دە 15 تاۋلىككە قامالىپ، ۇستىنەن قىلمىستىق ءىس قوزعالى.

Abai.kz