قازاقستاننىڭ 10 وڭىرىندە قاج مەكەمەلەرىنە اسەر ەتەتىن قىلمىستىق توپتاردى ۇستاۋ ءىسى بويىنشا اۋقىمدى وپەراتسيا جۇرگىزىلدى، دەپ حابارلايدى Qaz365.kz.

بۇل تۋرالى دەرەكتى قر ىشكى ىستەر مينيسترلىگى مالىمدەدى.

“21 قاڭتاردا ىشكى ىستەر مينيسترلىگى ۇلتتىق قاۋىپسىزدىك كوميتەتىمەن بىرلەسىپ، پروكۋراتۋرا ورگاندارىنىڭ ۇيلەستىرۋىمەن مەكەمەلەرگە ەسىرتكى جەتكىزۋ ارناسىن جولعا قويىپ، بوپسالاۋمەن جانە كريميناليتەتتى قارجىلاندىرۋمەن اينالىسقان قىلمىستىق توپتاردىڭ جولىن كەسۋ بويىنشا اۋقىمدى وپەراتسيانى اياقتادى. جەدەل-تەرگەۋ ارەكەتتەرى ءبىر ۋاقىتتا ەلدىڭ 10 ايماعىندا جۇزەگە اسىرىلدى. جالپى ءىس-شارالار قىلمىستىق-اتقارۋ جۇيەسى مەكەمەلەرىندەگى احۋالدى تۇراقسىزداندىرىپ، ۇستاۋ رەجيمىن بۇزۋعا ارەكەت جاساعان ادامداردى انىقتاۋعا باعىتتالدى”، – دەلىنگەن مينيسترلىك حابارلاماسىندا.

جەدەل ازىرلەۋ بارىسىندا جولعا قويىلعان سحەما بويىنشا ارەكەت ەتەتىن توپتاردىڭ جەلىسى قۇجاتتالدى. ولاردىڭ قاتارىنا بىرنەشە رەت سوتتالعان ادامدار دا كىرگەن.

“بارلىعى 118 كۇدىكتى، ونىڭ ىشىندە قىلمىستىق ورتانىڭ 13 وكىلى ۇستالدى. 100-دەن استام ءتىنتۋ شارالارى جۇرگىزىلدى. ءۇش كالاشنيكوۆ اۆتوماتى، ەكى تراۆماتيكالىق تاپانشا، ءارتۇرلى كاليبرلى وق-دارىلەر، 11 كگ-نان استام ەسىرتكى، ءموبيلدى قۇرىلعىلار جانە زاڭسىز قۇجاتتاما تاركىلەندى. ۇستالعان ادامداردىڭ اراسىندا الىس جانە جاقىن شەتەلدەردىڭ كريميناليتەت وكىلدەرى بولعانىن اتاپ وتكەن ءجون. جەدەل ءىس-شارالار جالعاسۋدا”، –  دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

Abai.kz