ءۇندىستان سىرتقى ىستەر ءمينيسترى 26-27 قاڭتار كۇندەرى بەيجىڭدە ساپاردا بولدى. ول ەكى ەلدىڭ ديپلوماتيكالىق قاتىناس ورناتقانىنا 75 جىل تولۋىنا وراي ءوزارا باسەكەلەس ەكى الپاۋىت مەملەكەتتىڭ شەكارا ماسەلەسىنە بايلانىستى ۋشىققان بايلانىسىن رەتتەۋ، قىتايمەن ديالوگ پەن پىكىر الماسۋدى قالپىنا كەلتىرۋ، تىكەلەي ترانسشەكارالىق وزەن ناۆيگاتسياسى ماسەلەلەرىن تالقىلاۋ ءۇشىن كەلگەن.

Reuters اگەنتتىگىنىڭ حابارلاۋىنشا، قىتاي سىرتقى ىستەر مينيسترلىگى تاراتقان مالىمدەمەگە قاراعاندا، ۆان ي دە كەزدەسۋدە قىتاي مەن ءۇندىستاننىڭ «كۇدىك» جانە «ارازدىق» ەمەس، «ءبىر-ءبىرىن قولداۋ جانە ورتاق دامۋعا» تاباندى بولۋى كەرەكتىگىن ايتقان.

ەكى ەل اراسىنداعى قارىم-قاتىناس 2020 جىلى قىتاي-ءۇندىستان شەكاراسىندا بولعان ولىمگە اكەلگەن اسكەري قاقتىعىستان كەيىن شيەلەنىسە ءتۇستى.

ءۇندىستان سىرتقى ىستەر ءمينيسترىنىڭ ايتۋىنشا ءۇندىستان مەن قىتاي ەكى ەل اراسىنداعى بارىس-كەلىستى ودان ءارى ىلگەرىلەتۋ جانە جەڭىلدەتۋ ءۇشىن ءتيىستى شارالار قابىلداۋعا كەلىسكەن. ەكى تاراپ 2025 جىلدىڭ جازىندا قاسيەتتى قايلاش تاۋىنىڭ كولىنە قۇلشىلىق قىزمەتىن قايتا باستاۋ تۋرالى شەشىم قابىلداعان. سول ماقساتتا ءبىرىنشى كەزەكتە ەكى ەل اراسىنداعى تىكەلەي اۋە قاتىناسىن قالپىنا كەلتىرمەك. ەكى جاقتىڭ ءتيىستى تەحنيكالىق بولىمدەرى اۋە قاتىناسىن ەرتەرەك قالپىنا كەلتىرۋدىڭ سوڭعى نەگىزدەرىن كەلىسسوزدەر ءۇشىن كەزدەسۋ وتكىزەدى.

جارتى ميليارد حالقى بار، جان سانى جاعىنان قارايلاس،ازيا ەلى شىۇ-نا، بريكس-كە مۇشە. ەكەۋى دە رەسەيمەن باتىستىڭ سانكتسيا سالعانىنا قاراماي، ارىپتەستىكتى ۇزبەي كەلەدى.

Abai.kz