ەنەرگەتيكا ءمينيسترى الماسادام ساتقاليەۆ اقپان ايىنان باستاپ بەنزين، ديزەل، سۇيىتىلعان گاز باعاسى وسەتىنىن مالىمدەدى، دەپ حابارلايدى Ulysmedia.kz.

ساتقاليەۆ نە دەيدى

ءمينيستردىڭ ايتۋىنشا، مۇناي ونىمدەرىنىڭ باعاسى بويىنشا پرەزيدەنت جانىنداعى كەڭەس شەشىم قابىلداپ قويعان. جانار-جاعارماي عانا ەمەس، سۇيىتىلعان مۇناي گازىنىڭ باعاسىن دا كەزەڭ-كەزەڭمەن ءوسىرۋ كەرەك دەگەن شەشىم بار. سونداي-اق، تاۋارلىق گاز بويىنشا دا باعانىڭ وسۋىمەن بايلانىستى بەلگىلى ءبىر مەجەلەر بار.

مۇنداعى باستى ۇستانىم باعانى باقىلاۋدىڭ نورماتيۆتىك جانە اكىمشىلىك شارالارى ۇكىمەتتىڭ قولىندا قالدىرۋعا باعىتتالعان. ياعني، اتالعان الەۋمەتتىڭ ماڭىزداعى تاۋارلار باعاسىنىڭ كۇرت ءوسۋى بولمايدى، – دەدى ول.

ساتقاليەۆتىڭ سوزىنشە، مينيستر جانار-جاعارماي مەن سۇيىتىلعان گازدىڭ باعاسى اقپان ايىنان باستاپ ءوسىرۋدى جوسپارلاپ وتىر. تاۋارلىق گازدىڭ باعاسى بيىل جازعا قاراي بىرتىندەپ وسەدى دەيدى ول.

گاز باعاسى

ساتقاليەۆ سۇيىتىلعان گازدىڭ باعاسى 98 تەڭگەدەن ارى قىمباتتامايدى دەگەن مالىمەت كەلتىردى. بىلتىر باعا دياپازونىن 54-55 تەڭگە بولسا، 59-90 تەڭگە اراسىندا بولادى. “ول ەندى وڭىرلەرگە بايلانىستى.  ەڭ جوعارعى دياپازون وڭىرلەردە 64 تەڭگەدەن 98 تەڭگەگە دەيىن  بولادى دەپ وتىرمىز” دەيدى مينيستر.

Abai.kz