سيرياداعى ەرەۋىلشىلەردىڭ جەتەكشىسى احمەد اش-شاراا «اۋىسپالى ۇكىمەت كەزەڭىندە» ەلدىڭ جاڭا پرەزيدەنتى بولىپ جاريالاندى. بۇل جونىندە ء"ال-ارابيا" جانە تاياۋ شىعىستاعى وزگە دە اقپارات قۇرالدارى جازدى

موحامماد ءال-دجۋلاني رەتىندە تانىلعان اش-شاراا جەتەكشىلىك ەتەتىن تۇرىكشىل ءدىني قارۋلى توپ "حايات تاحرير اش-شام" – اقش، باتىس ەلدەرى مەن رەسەيدە تەرروريستىك ۇيىم رەتىندە تانىلعان. اتالعان توپ قاراشانىڭ سوڭى – جەلتوقساننىڭ باسىندا باشار اساد ديكتاتۋراسىنا قارسى قارۋلى بۇلىككە شىعىپ، ناتيجەسىندە اساد رەجيمى قۇلادى. اسادتىڭ ءوزى ماسكەۋگە قاشىپ، اش-شاراا ءىس جۇزىندە ەلدىڭ جاڭا باسشىسىنا اينالعان.

اساد قاشقاننان كەيىن اش-شاراا بۇلىككە قاتىسقان بارلىق اسكەري توپتار تاراتىلىپ، ولاردىڭ مۇشەلەرى مەملەكەتتىك قۇرىلىمنان ورىن الۋى كەرەك دەپ مالىمدەدى. بۇرىنعى اسكەر مەن قاۋىپسىزدىك قىزمەتى دە تاراتىلدى. 2012 جىلدان بەرگى كۇشىندە بولعان سيريانىڭ كونستيتۋتسياسىنىڭ كۇشى جويىلدى. اۋىسپالى ۇكىمەتكە ەندى جاڭا زاڭناما جاساۋىنا تۋرا كەلەدى.

اش-شاراا بۇعان دەيىن اۋىسپالى كەزەڭنەن كەيىن تۇراقتى ۇكىمەت سايلاۋ ناتيجەسىندە جاساقتالۋى كەرەك دەپ مالىمدەگەن، الايدا اۋىسپالى كەزەڭ قانشا ۋاقىتقا سوزىلاتىنىن ايتقان جوق.

Abai.kz