قاڭتار ايىنىڭ قورىتىندىسى بويىنشا تەڭگە باعامى 1 دوللار ءۇشىن 518,2 تەڭگەگە دەيىن، 1,3%-عا نىعايدى. بۇل تۋرالى مىڭ تەڭگە تەلەگرام ارناسى جازدى. 

قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 254 ملن دوللاردان 227 ملن دوللارعا دەيىن تومەندەدى. ساۋدا-ساتتىقتىڭ جالپى كولەمى 4,5 ملرد دوللار بولدى.

ۇلتتىق بانكتىڭ حابارلاۋىنشا، قاڭتاردا ۇلتتىق قوردان 850 ملن دوللارعا ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرتتەر بولۋگە، سونداي-اق «تالدىقورعان-ءۇشارال» ماگيسترالدىق گاز قۇبىرىن سالۋعا باعىتتالعان ينفراقۇرىلىمدىق جوبانى قارجىلاندىرۋعا مۇمكىندىك بەردى.

«ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 19%-ىن نەمەسە كۇنىنە شامامەن 43 ملن دوللاردى قۇرادى. ۇلتتىق بانك ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە نارىقتىق بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جانە بىركەلكى ساتۋدى بىلدىرەدى. ۇلتتىق بانك ۇكىمەتتىڭ الدىن الا بولجامدى وتىنىمدەرى بويىنشا رەسپۋبليكالىق بيۋدجەتكە ترانسفەرت بولۋگە اقپاندا ۇلتتىق قوردان 550 ملن دوللاردان 650 ملن دوللارعا دەيىنگى مولشەردە ۆاليۋتا ساتىلادى دەپ كۇتەدى»، دەپ مالىمدەيدى ۇب.

باس بانك قاڭتاردا زەينەتاقى اكتيۆتەرىنىڭ ينۆەستيتسيالىق پورتفەلىنە اقش دوللارىن ساتىپ الماعان. اقپاندا بجزق-عا ۆاليۋتا ساتىپ الۋ جوسپارلانبايدى.

Abai.kz