ترامپتىڭ ساۋدا تەڭسىزدىگىن جەلەۋ ەتىپ ارىپتەس ەلدەرىنە سوعىس اشۋىنا ەۋروپا باسشىلارى دا نارازىلىق ءبىلدىردى. ەۋروپا مەن اقش اراسىنداعى ارازدىق گەرمانياداعى "ميۋنحەن قاۋىپسىزدىك جينالىسى" كەزىندە شارىقتاۋ شەگىنە جەتتى. جينالىسقا ارنايى كەلگەن امەريكا ورىنباسار پرەزيدەنتى ۆانس ەۋروپانى بوسقىندار جايلاپ العانىن، سولشىلدىق كوزقاراس نەگىزگى باعىتقا اينالعانىن العا تارتىپ، ەۋروپانىڭ سىرتقى شاپقىنشىلىقسىز-اق ءوز ىشىنەن ءىرىپ جاتقانىن بەتتەرىنە باستى.

ونىڭ الدىندا وتكەن ناتو قورعانىس مينيسترلەرىنىڭ باسقوسۋىندا اقش اسكەرىنىڭ قولباسشىسى حەگسەس ونسىزدا بيۋدجەت تاپشىلىعىن كورىپ وتىرعان ەۋروپا ەلدەرىنە قورعانىس شىعىنىن ءىجو-ءنىڭ 5 پايىزىنا جەتكىزۋدى تاعى قايتالادى. اسىرەسە ونىڭ "ناتو-عا مۇشە بولۋ ۋكراينانىڭ قاۋىپسىزدىگىنە كەپىل بولا المايدى", "ۋكرايناعا 2014-جىلعى شەكاراعا قايتۋ مۇمكىن ەمەس" دەگەن مالىمدەمەلەرى كارى قۇرلىقتاعى ارىپتەستەرىنىڭ دەرلىك نارازىلىعىن تۋدىردى. ترامپ شۇيىنشىلەگەن رەسەي باسشىسى پۋتينمەن الدا جاسالاتىن بەيبىتشىلىك كەلىسىمىنە كۇمانمەن قاراي باستادى. كەلىسىمگە وزدەرىن دە قاتىستىرۋدى تالاپ ەتە باستادى. كەشە ترامپتىڭ ۋكراينا ماسەلەسى جونىندەگى ارناۋلى وكىلى كيت كەللوگ ساۋد ارابياسىندا وتەتىن كەلىسسوزگە ۋكراينا تاراپتىڭ قاتىساتىنىن، بىراق ەۋروپا وكىلدەرىنىڭ شاقىرىلمايتىنىن اشىق ايتتى.

فرانتسيا باسشىسى ماكروننىڭ باستاماسىمەن بۇگىن پاريجدە انگليا، گەرمانيا، يتاليا، يسپانيا، دانيا، گوللانديا، پولشا جەتەكشىلەرى سونىمەن بىرگە ەۋرووداق، ناتو باسشىلارىنىڭ قاتىسۋىمەن ۋكراينا تاعدىرى، ەۋروپانىڭ قاۋىپسىزدىگى تۋرالى كەڭەس وتەتىن بولدى.

فرانتسيانىڭ ايگىلى "جاھان" باسىلىمى "امەريكا ەۋروپاعا يدەولوگيالىق سوعىس اشتى" دەپ دابىل قاقسا، "گەرمانيا داۋىسى" ەۋروپا مەن امەريكا ساياساتكەرلەرىنىڭ ءوزارا قاقتىعىسىنا ءبىر قۋانعان ادام بولسا ول - جينالىستا ەكى تاراپتىڭ ءسوز سايىسىن كوزبە كوز باقىلاپ وتىرعان قىتاي سىرتقى ىستەر ءمينيسترى ۆان ي شىعار" دەپ جازادى.

ول سوزىندە ەۋروپانى باسەكەلەس ەمەس، ارىپتەس رەتىندە قارايمىز. رەسەي مەن ۋكراينانى تاتۋلاستىرۋعا ارااعايىندىق جاساي الامىز دەپ مالىمدەگەن.گەرمانيالىق ارىپتەسىنىڭ: "وندا قىتاي نە ءۇشىن ساۋدا-ساتتىق فورماسىمەن رەسەيگە كومەكتەسىپ وتىر؟!" دەگەن سۇراعىنا، "رەسەي بولماسا وندىرىسكە كەرەك ەنەگيانى قايدان الامىز؟" دەپ جاۋاپ بەرگەن.

جيىنعا قاتىسقان ليتۆانىڭ بۇرىنعى سىرتقى ىستەر ءمينيسترى لاندسبەرگ ەگەر ەۋروپا مەن اقش ارازداسىپ ۋكرايناعا كومەك پەن پۋتيندى اۋىزدىقتاۋدا ءبىر بايلامعا كەلمەسە، قىتاي ۋكراينانىڭ قۇتقارۋشى جۇلدىزى بولىپ شىعا كەلۋى مۇمكىن. زەلەنسكيگە ترامپ ايتقاننان دا جوعارى يۆەستيتسيا قارجىسىن ۇسىنۋى مۇمكىن. ۋكراينانى قايتا قۇرۋعا قىرۋار قارجى سالۋى مۇمكىن. ۋكرايناعا كەرەگى دە سول" دەيدى.

ترامپقا ءتىس-تىرناعىمەن قارسى نيۋ-يورك تايمس گازەتى بولسا، "ترامپتىڭ حالىقارالىق دامۋ اگەنتىن جابۋىنان قازىردىڭ وزىندە اش بالالار كومەكسىز قالىپ، ءولىپ جاتقان بولۋى مۇمكىن" دەپ جازادى. يلون ماسكتىڭ امەريكا مەملەكەتتىك دەموكراتيانى دامىتۋ قورىنىڭ قارجى كوزىن بۇعاتتاۋى كوممۋنيستىك بيلىكتەن باسقاشا ويلايتىندارعا، ۇلتتىق ازشىلىقتارعا قىرعيداي تيەتىن قىتايعا مايداي جاقتى، كوكتەن تىلەگەنىن جەردەن بەردى، ترامپ امەريكانى جىرتقىش قاسقىرعا اينالدىردى" دەپ جازادى.

Abai.kz