پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا اۋەجايلاردى اۋەايلاقتاردىڭ تەحنيكالىق جاي-كۇيى مەن ۇشۋلاردى قامتاماسىز ەتۋ قاجەتتىلىگى تۇرعىسىنان تەكسەرۋ ناتيجەلەرى تۋرالى ماسەلە قارالدى. ءوز كەزەگىندە «قازاقستاننىڭ اۆياتسيا اكىمشىلىگى» اق باس ديرەكتورى كاتالين رادۋ بايانداما جاسادى.

«AZAL اۋە كومپانياسى ۇشاعىنىڭ اپاتى ناتيجەسىندە باستالعان تاپسىرماڭىزعا سايكەس، ءبىز التى اۋەجايدى: استانا، پاۆلودار، الماتى، اقتاۋ، شىمكەنت، وسكەمەن اۋەجايلارىن اۋەايلاقتاردىڭ تەحنيكالىق جاي-كۇيى جانە ۇشۋدى قاجەتتى قامتاماسىز ەتۋ تۇرعىسىنان باسىمدىقپەن تەكسەردىك.
سونىمەن قاتار Air Astana, SCAT, Qazaq Air, FlyArystan التى تۇراقتى اۋەتاسىمالداۋشىنىڭ 71 ازاماتتىق اۋە كەمەسىنە پەرروندىق تەكسەرۋ جۇرگىزىلدى، 686 اۋە كومپانياسى ۇشقىشىنىڭ دايىندىعى مەن ۇشۋ الدىنداعى باقىلاۋىنا تالداۋ جاسالدى»،
— دەدى ك.رادۋ.

سونداي-اق باس كولىك پروكۋراتۋراسىمەن بىرلەسىپ، اۆياتسيالىق قاۋىپسىزدىك ماسەلەلەرىن قوسا العاندا، ازاماتتىق اۆياتسيانىڭ نەگىزگى سۋبەكتىلەرىن جوسپاردان تىس تەكسەرۋ جالعاسۋدا.

كولىك مينيسترلىگىنىڭ مالىمەتىنشە، ۇشۋ قاۋىپسىزدىگى دەڭگەيى 74%-دان 82%-عا دەيىن كوتەرىلگەن.

ەستەرىڭىزگە سالا كەتەيىك، پرەمەر-مينيستر ولجاس بەكتەنوۆ اقتاۋ قالاسىنىڭ ماڭىنداعى ۇشاق اپاتىنان كەيىن اۆياتسيالىق قاۋىپسىزدىكتى كۇشەيتۋ، ونىڭ ىشىندە جوسپاردان تىس تەكسەرۋ جۇرگىزۋ بويىنشا بىرقاتار تاپسىرما بەرگەن بولاتىن.

Abai.kz