تۇرعىن ءۇي ساياساتىن رەفورمالاۋ تۋرالى زاڭ شەڭبەرىندە ەندى كەز كەلگەن ازامات ءۇي كەزەگىنە تۇرا الادى. تۇرعىن ۇيگە قاتىستى بۇرىنعى زاڭ بويىنشا باسپانا كەزەگىنە كوپبالالى وتباسىلار، جەتىم بالالار، I, II توپتاعى مۇگەدەك جاندار، مەملەكەتتىك قىزمەتشىلەر، بيۋدجەتتىك ۇيىمداردىڭ قىزمەتكەرلەرى سياقتى بەلگىلى ءبىر ساناتتاعى ادامدار تۇرا الاتىن ەدى.

نەگىزگى تالاپ – كەيىنگى 5 جىلدا باسپاناڭ بولماۋى قاجەت. استانا، الماتى، شىمكەنت قالالارىندا كەيىنگى 3 جىلدا تىركەۋدە تۇرعانىڭىزدى راستاۋعا ءتيىسسىز.

جاڭا زاڭ بويىنشا كەزەككە تىركەۋ مەن ءۇيدى ءبولۋ قۇزىرەتى «وتباسى بانكىنە» بەرىلدى.

كەزەككە ونلاين تۇراسىز. ءارى قارايعى جۇمىستى ورتالىق رەتتەيدى.

مۇقتاج جاندار اراسىندا تۇرعىن ءۇيدى ءبولۋ ەسەپكە قويۋ كۇنىنە جانە تابىس دەڭگەيىنە بايلانىستى جۇزەگە اسادى. ياعني ۇزاق ۋاقىت كەزەكتە تۇرعان ازاماتتار الدىمەن قامتاماسىز ەتىلەدى. سونداي-اق ءبولۋ كەزىندە تۇرعانداردىڭ تابىس دەڭگەيى ەسكەرىلەدى.

Abai.kz