مەملەكەت باسشىسىنىڭ تاپسىرماسىن ورىنداۋ ءۇشىن سىبايلاس جەمقورلىققا قارسى ءىس-قيمىل اگەنتتىگى قوعامداعى زاڭدىلىق پەن ءتارتىپ قاعيداتىن قامتاماسىز ەتۋگە ەرەكشە نازار اۋدارادى.

اگەنتتىك ۋاكىلەتتى مەملەكەتتىك ورگانداردىڭ لاۋازىمدى ادامدارى تاراپىنان زاڭسىز ءىس-ارەكەتتەردى انىقتاۋ بويىنشا پروفيلاكتيكالىق، الدىن الۋ، سونداي-اق جەدەل ءىس-شارالار كەشەنىن تۇراقتى نەگىزدە جۇرگىزەدى.

ماسەلەن، ورال قالاسىنىڭ سوتى قالالىق ساۋلەت جانە قالا قۇرىلىسى ءبولىمىنىڭ باسشىسى ا. تاشەنباەۆقا، ونىڭ قاراماعىنداعى – باس مامان ن. عاتاۋعا جانە «اليحانسترويپروەكت» جشس ديرەكتورىنىڭ ورىنباسارى ا. كۋپباەۆقا قاتىستى ۇكىم شىعاردى.

تاشەنباەۆ از قاباتتى كوپپاتەرلى تۇرعىن ۇيلەر سالۋ بويىنشا ەسكيزدىك جوبالاردى كەلىسكەنى جانە ساۋدا-ساتتىقسىز جەر ۋچاسكەسىن زاڭسىز بەرۋ جولىمەن لاۋازىمدىق وكىلەتتىكتەرىن اسىرا پايدالانعانى ءۇشىن كۋپباەۆتان جالپى سوماسى 1,5 ملن تەڭگە پارا العانى ءۇشىن كىنالى دەپ تانىلدى.

عاتاۋ جەر ۋچاسكەسىن ىرىكتەۋ اكتىسىن كەلىسكەنى ءۇشىن كۋپباەۆتان 500 مىڭ تەڭگە سوماسىندا پارا العانى جانە مەملەكەتتىك قىزمەتتەر پورتالىنا قۇرىلىستىڭ بولماۋىنسىز جەر ۋچاسكەسىن كەڭەيتۋ تۋرالى قۇجاتتاردى زاڭسىز ەنگىزۋ جولىمەن لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلدى.

تاشەنباەۆ پەن عاتاۋ تيىسىنشە 7 جانە 3,5 جىلعا، ال پارا بەرۋشى 7 جىلعا باس بوستاندىعىنان ايىرىلدى.

ولاردىڭ بارلىعى ءومىر بويى مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرىلعان.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz