الماتىدا جالعىزباستى جانە پسيحيكالىق اۋىتقۋى بار ادامداردىڭ پاتەرىن زاڭسىز ساتقان قىلمىستىق توپ مۇشەلەرىنە سوت ۇكىمى شىقتى.

سوت وتىرىسى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا ەرلان بولاتوۆتىڭ توراعالىعىمەن ءوتتى.

اتالعان ءىس بويىنشا 22 ادام ايىپتالۋشى دەپ تانىلدى. ۇيىمداسقان قىلمىستىق توپ 2017-2023 جىلدار ارالىعىندا جۇمىس ىستەگەن. ونىڭ قۇرامىندا پسيحياتر-دارىگەرلەر، نوتاريۋس، ريەلتورلار جانە بۇرىن قۇقىق قورعاۋ سالاسىندا جۇمىس ىستەگەن قىزمەتكەرلەر بولعان.

ولارعا ادامداردى ۇرلاۋ، كىسى ءولتىرۋ جانە پسيحيكالىق اۋىتقۋى بار قارتتارعا زورلىق-زومبىلىق كورسەتىپ، باسپاناسىنان ايىرۋ بويىنشا ايىپ تاعىلدى. ىستە بارلىعى 37 ەپيزود بار.

قالالىق سوتتىڭ ءباسپاسوز قىزمەتىنىڭ حابارلاۋىنشا، سوت ۇكىمى بويىنشا كۇدىكتىلەر 3 جىلدان 18 جىلعا دەيىن باس بوستاندىعىنان ايىرۋ جازاسىنا كەسىلدى.

سوت ۇكىمى زاڭدى كۇشىنە ەنگەن جوق.

Abai.kz