Almaty TV – تەلەۆيزيالىق كوكتەم وسىندا باستالادى!

ناۋرىز مەيرامى قارساڭىندا Almaty TV كورەرمەندەرىنە ەرەكشە سىيلىق دايىنداپ وتىر - كورەرمەن   كوپتەن كۇتكەن سۇيىكتى جوبالاردى، وتاندىق ءوندىرىستىڭ ەكسكليۋزيۆتى تۇساۋكەسەرلەرىن، سونىمەن قاتار، جىلىلىق، شاتتىق، شابىت سىيلايتىن مازمۇندى باعدارلامالار ۇسىنادى.

بىلتىر مەملەكەت باسشىسى قاسىم-جومارت توقاەۆ «ەگەمەن قازاقستان» گازەتىنە بەرگەن كولەمدى سۇقباتىندا ۇلىستىڭ ۇلى كۇنىنىڭ قازاقستاندىقتار ءۇشىن ماڭىزىن اتاپ ايتقان بولاتىن. ەل پرەزيدەنتى ايتقانداي، ناۋرىز مەيرامى جاڭارۋ مەرەكەسى بولعاندىقتان، ونى جاڭاشا، مازمۇندا، ەرەكشە اتاپ ءوتۋ قاجەت.

Almaty TV-نىڭ كوكتەمگى ەفيرى ناۋرىز سياقتى شاتتىققا، قىزىقتى وقيعالار مەن بىردەن باۋراپ الار سيۋجەتتەرگە تولى بولماق. ولاردىڭ قاتارىندا «ءبىرجان-سارا ىزىمەن» ايتىسى، «الماتى ءان قاناتىندا» مۋزىكالىق جوباسى، «جۇلدىزدى كاراوكە» جانە «دودا» سىندى ۇزدىك شوۋلار جانە باسقا دا كورەرمەن كوزايىمىنا اينالعان باعدارلامالار بار.

وتكەن ايدان باستاپ تەلەارنادا الماتى قالاسى مەن ونىڭ تۇرعىندارى تۋرالى: «Made in Almaty», «الماتى كوشەلەرى», «شاھار شىرايى», «ەكونوميكا جاڭالىعى» جانە «قالا تىنىسى» باعدارلامالارى، سونداي-اق «تاۋلىك تىزبەسى»، «كۇن تاقىرىبى»، «ايتىلدى-ورىندالدى» جانە ت.ب. ايدارلار جارىققا شىقتى. جۋىردا «الماتى اۋداندارى» جانە «كەرى بايلانىس» حابارلارى ەفيرگە جول تارتادى.

ەستەرىڭىزگە سالا كەتەيىك، بۇعان دەيىن Almaty TV رەسپۋبليكالىق مارتەبە الىپ، رەبرەندينگ جاساپ، باستى ستۋديالىق پاۆيلونىن جاڭارتىپ، كورسەتىلىم تۇجىرىمداماسىن تۇبەگەيلى وزگەرتكەن بولاتىن.

وسىنىڭ ناتيجەسىندە تەلەارنانىڭ رەيتينگى 3 جىل ىشىندە ەكى ەسە، ال وتكەن جىلى جاڭارتىلعان ۆەب-سايتتىڭ قارالىمى 5 ەسە، ياعني، جىلىنا 9 ملن-نان 47 ملن. پايدالانۋشىعا دەيىن ءوستى. مەدياسەللەر جەلىسى بويىنشا كوممەرتسيالىق كىرىس 3 ەسە ارتتى. ال تەلەارنانىڭ مەملەكەتتىك تىلدەگى ۇلەسى 88 پايىزعا دەيىن ۇلعايدى.

Abai.kz