ەلىمىزدە مەكتەپ تۇلەكتەرىنە ديپلوم بەرىلەتىن بولدى
905 مەكتەپ تۇلەگىنە ورتا تەحنيكالىق ءبىلىم تۋرالى ديپلوم بەرىلەدى.
بۇل تۋرالى قر وقۋ-اعارتۋ مينيسترلىگى مالىمدەپ وتىر.
ەلىمىزدە جوعارى سىنىپ وقۋشىلارىنا جۇمىسشى ماماندىعى بىلىكتىلىگىن بەرۋ بويىنشا پيلوتتىق جوبا ىسكە اسىرىلۋدا.كاسىپتىك دايارلىق كوللەدجدەر بازاسىندا، ال جالپى ءبىلىم بەرۋ پاندەرىن مەڭگەرۋ مەكتەپتەردە وتەدى. 11-سىنىپتى بىتىرگەننەن كەيىن وقۋشىلار اتتەستات قانا ەمەس، ورتا تەحنيكالىق ءبىلىم تۋرالى ديپلوم دا الادى،– دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ.
پيلوتتىق جوباعا 150-گە جۋىق كوللەدج بەن مەكتەپتىڭ 2 مىڭعا جۋىق وقۋشىسى قاتىسۋدا. بيىل 905 تۇلەك كاسىبي بىلىكتىلىكپەن قاتار ەڭبەك نارىعىنا بىردەن شىعۋ مۇمكىندىگىن الىپ، كوللەدج ديپلومىن الادى دەپ كۇتىلىپ وتىر.
Abai.kz
