ءماجىلىس دەپۋتاتى جاناربەك ءاشىمجاننىڭ ايتۋىنشا، قازىر قارجى مينيسترلىگى مەن مەملەكەتتىك كىرىستەر كوميتەتى بلوگەرلەرگە ارنالعان ارنايى سالىق رەجيمىن ەنگىزۋ مۇمكىندىگىن قاراستىرىپ جاتىر.

«بۇل – تسيفرلىق ەكونوميكانى زاڭداستىرۋدىڭ جانە كولەڭكەلى تابىستاردى ازايتۋدىڭ ءبىر جولى. قازىر الەۋمەتتىك
جەلىلەر ارقىلى تابىس تاۋىپ وتىرعان بلوگەرلەر سانى كۇننەن كۇنگە ارتىپ كەلەدى.كۋرستار ساتادى، جارناما جاسايدى، ۇتىس ويىندار ۇيىمداستىرادى، تاۋارلارىن وتكىزەدى. بىراق تابىس تاپقان ءاربىر ازامات سالىق تولەۋگە مىندەتتى ەكەنىن ەستەن شىعارماۋى كەرەك»، دەيدى دەپۋتات.

قازاقستاندا بلوگەرلەردىڭ سالىقتىق مارتەبەسى قانداي؟

ەگەر بلوگەر تۇراقتى تۇردە تابىس تاۋىپ وتىرسا، ول:

جەكە كاسىپكەر (جك) رەتىندە تىركەلىپ، پاتەنت نەمەسە وڭايلاتىلعاندەكلاراتسيا رەجيمىمەن سالىق تولەي الادى;

نەمەسە ءوزىن-ءوزى جۇمىسپەن قامتىعان تۇلعا رەتىندە بىرىڭعاي جيىنتىق تولەم (بجت) ارقىلى تىركەلۋگە قۇقىلى.

«الەمنىڭ دامىعان ەلدەرىندە بلوگەرلەردىڭ تابىسى تولىقتاي سالىققا تارتىلادى.مىسالى، اقش-تا بلوگەرلەر فريلانسەرلەر رەتىندە سالىق دەكلاراتسياسىن تاپسىرادى. ەو ەلدەرىندە جارناما مەن دەمەۋشىلىك تابىستار ناقتى ەسەپكە الىنادى. كورەيا مەن جاپونيادا سالىق ورگاندارى الەۋمەتتىك جەلىدەگى بەلسەندىلىكتى باقىلاۋ ارقىلى كىرىستى اۆتوماتتى تۇردە انىقتايدى. ال كەز كەلگەن بيزنەس تابىس تاپسا – سالىق تولەۋگە مىندەتتى. قارجى اشىقتىعى – سەنىم كەپىلى»، دەپ مالىمدەدى دەپۋتات.

دەرەككوز: مىڭ تەڭگە تەلەگرام ارناسى

Abai.kz