سىبايلاس جەمقورلىققا قارسى ءىس-قيمىل اگەنتتىگى «ۇلتتىق اقپاراتتىق تەحنولوگيالار» اق-مەن بىرلەسىپ، سىبايلاس جەمقورلىققا قارسى جاريا پورتالدى ىسكە قوستى.

ول سىبايلاس جەمقورلىققا قارسى ءىس-قيمىل تۋرالى اقپاراتتى ءبىر رەسۋرستا جۇيەلەۋگە ارنالعان.

سىبايلاس جەمقورلىققا قارسى ءىس-شارالارمەن كەز كەلگەن ادام تانىسا الادى.

سونداي-اق پورتالدى پايدالانۋشىلار وزدەرىن قىزىقتىراتىن، ونلاين تەستىلەۋ جانە سەرتيفيكات الۋ مۇمكىندىگى بار وقۋ كۋرستارىن تابا الادى.

الەۋمەتتانۋلىق زەرتتەۋلەرگە ەرەكشە كوڭىل بولىنەدى. سۇراقنامادان ءوتۋ مۇمكىندىگى كوزدەلگەن.

ونىڭ ناتيجەلەرى سىبايلاس جەمقورلىققا قارسى شارالاردى تۇزەتۋ جانە ولاردىڭ تيىمدىلىگىن باعالاۋ ءۇشىن پايدالانىلاتىن بولادى.

سونداي-اق مۇندا Transparency International حالىقارالىق ۇيىمىنىڭ جىل سايىنعى زەرتتەۋ ناتيجەلەرى جانە سىبايلاس جەمقورلىقتى ءجۇيسىنۋ يندەكسىندەگى قازاقستاننىڭ پوزيتسياسى قولجەتىمدى.

پروفيلاكتيكالىق جۇمىستى كۇشەيتۋ ماقساتىندا، بۇل رەسۋرستا «سىبايلاس جەمقورلىق كارتوگرامماسى» قامتىلعان، وندا سىبايلاس جەمقورلىق تاۋەكەلدەرىنە شالدىققان لاۋازىمدار ءتىزىمى جانە مەملەكەتتىك ورگاندار مەن وڭىرلەر بويىنشا سىبايلاس جەمقورلىق تاۋەكەلدەرىنىڭ كارتاسى قامتىلعان.

جۇمىس جاساپ جۇرگەن ۆولونتەرلەر مەن ۇيىمدار تۋرالى اقپارات بەرەتىن ۆولونتەرلىك قىزمەتكە ارنالعان ءبولىم سونداي-اق پورتالدىڭ ماڭىزدى ەلەمەنتى بولىپ تابىلادى.

نيەت بىلدىرۋشىلەر ەرىكتى رەتىندە كانديداتۋرانى قاراۋ ءۇشىن ساۋالناما جولداي الادى.

وسىمەن قاتار، پورتالدا سىبايلاس جەمقورلىققا قارسى مادەنيەتتى قالىپتاستىرۋعا، لايىقتى مىنەز-قۇلىقتى تاربيەلەۋگە جانە قوعامدا «زاڭ مەن ءتارتىپ» يدەولوگياسىن قالىپتاستىرۋعا باعىتتالعان بەينەروليكتەر ورنالاستىرىلعان.

بۇل رەسۋرستا سونداي-اق سىبايلاس جەمقورلىق تۋرالى حابارلاۋعا دا مۇمكىندىك بار.

اگەنتتىك بارلىعىن سىبايلاس جەمقورلىققا قارسى پورتالعا كىرۋگە شاقىرادى. ول تۇراقتى تۇردە وزەكتى اقپاراتپەن تولىقتىرىلاتىن بولادى.

Abai.kz