بۇگىن استانا قالالىق ماسليحاتىنىڭ ءبىر توپ دەپۋتاتتارى «استانا تازالىق» مەكەمەسىنىڭ جۇمىسىمەن تانىستى. قالا ءماسليحاتىنىڭ توراعاسى زەينۇلقابدەن تابيعات ۇستىمىزدەگى جىلدىڭ «جۇمىسشى ماماندىقتارى» جىلى ەكەندىگىن اتاپ ءوتىپ، قالانىڭ باس سانيتار مەكەمەسىندە سول قاراپايىم جۇمىسشىلارعا جاسالعان جاعدايلاردى كوزدەرىمەن كورۋ ءۇشىن كەلگەندەرىن ايتتى.  

بۇگىندە 2 مىڭنان استام قىزمەتكەرى بار مەكەمە، 500-دەن استام تەحنيكامەن جابدىقتالعان. «استانا تازالىق» كومپانياسى قالا كوشەلەرىن سانيتارلىق تازالاۋ جۇمىستارىنىڭ باسىم بولىندە جۇرگىزەدى. كاسىپورىن ەلوردانىڭ 207 كوشەسىنە (370 كم) قىزمەت كورسەتەدى. مەكەمە تاۋلىك بويى دەمالىسسىز قىزمەت ىستەيتىندىكتەن، اۋىسىممەن جۇمىس جاسايتىندارعا بارىنشا جاعداي جاسالعان.

سۋرەت: mezgil.kz سايتىنان الىندى.

ءىس-شارا بارىسىندا مەكەمە باسشىسى زامير ساگينوۆ نەگىزگى جەتى باعىتقا توقتالىپ، جان-جاقتى بايانداپ بەردى.

· مەكەمەنىڭ سوڭعى ءبىر جىلداعى قارجىلىق جەتىستىكتەرى;

· قىزمەتكەرلەردىڭ الەۋمەتتىك جاعدايىن جاقسارتۋ باعىتىندا جاسالىپ جاتقان جۇمىستار;

· اۆتوپاركتى جاڭارتۋ;

· مەكەمەنىڭ جۇمىسىن ارتتىرۋ ءۇشىن اتقارىلعان جۇمىستار;

· جۇمىسشى ماماندىعى جىلىنا وراي باق-پەن جۇمىس;

· كاسىپوداق تاراپىنان جۇزەگە اسىرىلىپ جاتقان جۇمىستار;

· جاڭا تەحنولوگيالاردى ەڭگىزۋ جانە قىزمەت ساپاسىن ارتتىرۋعا باعىتتالعان جوبالار.

ەلوردامىزدى شاڭنان قۇتقارۋ باستى ماسەلەلەردىڭ ءبىرى، - دەدى زامير ساگينوۆ.

قۇرىلىسى قارقىندى دامىپ كەلە جاتقان استانادا بۇل وڭاي شارۋا ەمەس. جۇمىسقا دا كەدەرگى بولماي، قالانى لاس توپىراقتان ارىلتۋ باعىتىندا بىرلەسە جۇمىس ىستەۋگە كەلىستى.

Abai.kz