تالدىقورعانداعى جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 16 جاسىندا كىسى قولىنان قازا تاپقان شەرزات بولاتتىڭ ءىسى قارالىپ جاتىر. بۇگىن سوت وتىرىسىندا سوتتالۋشىلاردىڭ اتا-انالارى شۋ شىعاردى.

ولار سوتتان پروتسەسكە قاتىسىپ جاتقان جۋرناليستەرگە قاتىستى شارا قولدانىپ، زالدان شىعارۋدى سۇرادى. سوتتالۋشىلاردىڭ اتا-انالارىنىڭ سوزىنشە، كۋالەر مەن ايىپتالۋشىلاردىڭ قارسىلىعىنا قاراماستان، ولاردىڭ كەيبىرىن ۆيدەوعا ءتۇسىرىپ، الەۋمەتتىك جەلىگە جاريالاعان.

سۋديا سوتقا قاتىسۋشى جۋرناليست، موبيلوگرافتارعا ەسكەرتۋ جاسادى.
زارداپ شەككەن تاراپتىڭ ادۆوكاتى مەيىرمان شەكەەۆكە ايىپ تاعىلدى.

سوتتالۋشىلاردىڭ تۋىستارى ۆيدەونى وسى ادۆوكات تاراتىپ جىبەردى دەپ وتىر. ءى. الايدا زاڭگەر بۇل ايىپتى ءۇزىلدى-كەسىلدى جوققا شىعاردى.

Abai.kz