مادەنيەت قىزمەتكەرلەرىنىڭ فورۋمى اياسىندا قانداي ءىس-شارالار وتەدى.

19–21 مامىر كۇندەرى استانادا مادەنيەت جانە ونەر قىزمەتكەرلەرى كۇنىنە ارنالعان مادەنيەت قىزمەتكەرلەرىنىڭ فورۋمى وتەدى.

فورۋم اياسىندا 19 مامىر كۇنى قازاقستان رەسپۋبليكاسىنىڭ ۇلتتىق مۋزەيىندە قر مادەنيەت جانە اقپارات مينيسترلىگى مەن حالىقارالىق تۇركسوي ۇيىمىنىڭ قولداۋىمەن III قازاقستان مۋزەي كونگرەسى وتەدى.

كونگرەستە مۋزەي جادىگەرلەرىن قالپىنا كەلتىرۋدىڭ تەوريالىق جانە پراكتيكالىق ماسەلەلەرى تالقىلانادى. ءىس-شاراعا تۇركيا، رەسەي، وزبەكستان، قىرعىزستان، ازەربايجان، بەلارۋس، مولدوۆا ەلدەرىنىڭ عالىمدارى مەن مۋزەي قىزمەتكەرلەرى، سونداي-اق وتاندىق عالىمدار مەن مادەنيەت، ونەر قايراتكەرلەرى قاتىسادى.

كونگرەسس اياسىندا «كونسەرۆاتسيا جانە رەستاۆراتسيا جونىندەگى عىلىمي ورتالىقتىڭ» سالتاناتتى اشىلۋى جوسپارلانعان.
19 مامىر كۇنى مادەنيەت جانە ونەر ۇيىمدارى مەن قىزمەتكەرلەرىنىڭ «رۋحاني قازىنا – 2025» رەسپۋبليكالىق فەستيۆالىنىڭ سالتاناتتى اشىلۋى وتەدى.

وسى كۇنى قر ۇلتتىق اكادەميالىق كىتاپحاناسىندا «قولجەتىمدى كىتاپحانالاردى دامىتۋداعى زاماناۋي ستراتەگيالار مەن تسيفرلىق ترانسفورماتسيا» اتتى دوڭگەلەك ۇستەل ۇيىمداستىرىلادى.
20 مامىردا مەملەكەت باسشىسى قاسىم-جومارت توقاەۆتىڭ قاتىسۋىمەن مادەنيەت جانە ونەر قىزمەتكەرلەرىن ماراپاتتاۋ ءراسىمى وتەدى.

21 مامىر كۇنى مادەنيەت جانە ونەر ۇيىمدارى مەن قىزمەتكەرلەرىنىڭ «رۋحاني قازىنا – 2025» رەسپۋبليكالىق فەستيۆالى قورىتىندىلانىپ، كاسىبي مەرەكەگە ارنالعان سالتاناتتى جيىن گالا-كونتسەرتپەن اياقتالادى. سونىمەن قاتار ورتالىق كونتسەرت زالىندا مادەنيەت قىزمەتكەرلەرى فورۋمىنىڭ سالتاناتتى جيىنى وتەدى.

وعان مەملەكەتتىك كەڭەسشى ەرلان قارين قاتىسادى.
فورۋم جۇمىسىنا ەلدىڭ بارلىق وڭىرىنەن 700-دەن استام مادەنيەت سالاسىنىڭ قىزمەتكەرى قاتىسادى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى 

Abai.kz