بيىل ناۋرىزدا KCell, Tele2, Beeline كومپانيالارىنىڭ ۇستىنەن تاريف كوتەرۋ تۋرالى «ءسوز بايلاسۋ» كۇدىگىمەن تەكسەرۋ باستالعان ەدى. تەرگەۋ بارىسى تۋرالى باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ورىنباسارى بولات سامبەتوۆ ايتىپ بەردى.

«ءيا، ءبىزدىڭ تاراپىمىزدان تەكسەرۋ جۇمىستارى جۇرگىزىلدى. بۇل بارشاعا بەلگىلى فاكت دەپ ويلايمىن. ءبارىمىز دە ۇيالى بايلانىس قىزمەتىن پايدالانامىز، وسى ورايدا ءبىز تالداۋ جۇرگىزدىك. سوڭعى بىرنەشە جىلدا ۇيالى بايلانىس قىزمەتىنىڭ باعاسى ايتارلىقتاي وسكەنى بايقالادى. ءبىزدىڭ تاراپىمىزدان الدىن الا قۇقىق بۇزۋشىلىق بەلگىلەرى انىقتالدى»، - دەدى بولات سامبەتوۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.

وسىلايشا، اگەنتتىك باسشىسىنىڭ ورىنباسارى بارلىق ۇيالى بايلانىس وپەراتورىنا قاتىستى تەرگەپ-تەكسەرۋ جۇمىسىنىڭ ءالى اياقتالماعانىن ايتىپ وتىر. ونىڭ ىشىندە Beeline, Kcell جانە Tele2 كومپانياسى بار.

«ءبىز وسى ءۇش كومپانيا اراسىندا ءسوز بايلاسۋ بەلگىلەرىن انىقتاپ، تەرگەۋدى باستادىق. بىراق، قازىر تەرگەۋ توقتاتىلدى. بۇگىندە سوت پروتسەسى ءجۇرىپ جاتىر، ويتكەنى كومپانيالار ءبىزدىڭ ارەكەتىمىزگە شاعىم ءتۇسىردى، قازىر ءىس سوتتا قارالىپ جاتىر»، - دەپ تولىقتىردى ول.

ەسكە سالساق، جىل باسىندا ۇيالى بايلانىس وپەراتورلارىنىڭ ءتاريفتى نەگىزسىز كوتەرۋ ارەكەتتەرى قارالىپ جاتقانى تۋرالى حابارلاعان ەدىك.

Abai.kz