2020 جىلى قىركۇيەكتە مەملەكەت باسشىسى ورمان قورى اۋماعىندا 2025 جىلعا دەيىن 2 ملرد ءتۇپ اعاش وتىرعىزۋ تاپسىرماسىن بەردى.

الايدا، ورمان يەلەنۋشىلەردىڭ مۇمكىندىكتەرى مەن پيتومنيكتەردەگى وتىرعىزۋ ماتەريالدارىن ەسكەرە وتىرىپ، تاپسىرمانى ورىنداۋ مەرزىمى 2027 جىلعا دەيىن ۇزارتىلدى.

تاپسىرما اياسىندا اعاش وتىرعىزۋ بارىسىن قوعامدىق باقىلاۋ ماقساتىندا ورمان شارۋاشىلىعى ءىس-شارالارى جۇرگىزىلگەن سايىن جاڭارتىلىپ وتىراتىن ينتەراكتيۆتى كارتا ازىرلەنگەنىن اتاپ وتكەن ءجون.

سۋرەت: gov.kz سايتىنان الىندى.

بيىل كوكتەمدە 141 مىڭ گەكتار اۋماقتا 225 ملن دانا اعاش وتىرعىزىلدى. كۇزگى وتىرعىزۋ كەزەڭىنە 153 ملن دانا اعاش پەن بۇتا وتىرعىزۋ جوسپارلانۋدا.

سونداي-اق، مەملەكەت باسشىسىنىڭ تاپسىرماسىنا سايكەس، ارال تەڭىزىنىڭ قۇرعاعان تۇبىندە جالپى كولەمى 1,1 ملن گەكتار اۋماقتا سەكسەۋىل القاپتارى قۇرىلۋدا.

2021–2024 جىلدار ارالىعىندا ارال تەڭىزىنىڭ قۇرعاعان تابانىندا 475 مىڭ گەكتار جەردە ورمان-مەليوراتسيالىق جۇمىستار اتقارىلدى. 2025 جىلعا ارنالعان جوسپار - 428 مىڭ گا (جاو – 100 مىڭ گا جانە ەترم - 328 مىڭ گا).

سۋرەت: gov.kz سايتىنان الىندى.

قالا تۇرعىندارى ءۇشىن قولايلى ورتا قۇرۋدىڭ ماڭىزدىلىعىن ەسكەرە وتىرىپ، جەرگىلىكتى اتقارۋشى ورگاندار 2021 جىلدان باستاپ ەلدى مەكەندەردە 15,7 ملن.اعاش وتىرعىزدى. اعىمداعى جىلدىڭ سوڭىنا دەيىن 3,1 ملن. اعاش وتىرعىزىلادى.

سونداي-اق، «تازا قازاقستان» اكتسياسى اياسىندا جىل باسىنان بەرى ەلىمىزدىڭ وڭىرلەرىندە 405 ءىس-شارا ءوتتى، وعان 1,4 ملن-عا جۋىق ادام قاتىستى، 82 مىڭنان استامى ەرىكتىلەر.

ناتيجەسىندە 1,7 ملن-نان استام اعاش وتىرعىزىلىپ، 121 مىڭ توننادان استام قالدىق جينالدى، 584 مىڭ گەكتارعا جۋىق اۋماق تازارتىلدى.

Abai.kz