ەلىمىزدە ەكونوميكالىق ءوسىم باياۋلايدى
قازاقستان ەكونوميكاسىنىڭ ءوسىم قارقىنى بيىل ياعني 2025 جىلى 6%-كە دەيىن جەتۋى مۇمكىن. بۇل تۋرالى ۇلتتىق بانك توراعاسى تيمۋر سۇلەيمەنوۆ مالىمدەدى.
سۇلەيمەنوۆتىڭ ايتۋىنشا، ءوسىم بولجامىنىڭ قايتا قارالۋىنا بىرقاتار ناقتى فاكتور اسەر ەتكەن.
مۇناي ءوندىرۋ كولەمىنىڭ ارتۋى، وڭدەۋ ونەركاسىبىندەگى بەلسەندىلىك، ينۆەستيتسيالاردىڭ تۇراقتى تۇردە ءوسۋى جانە ىشكى سۇرانىستىڭ كەڭەيۋى 2025 جىلعى ءوسىمدى ۇدەتۋگە نەگىز بولىپ وتىر، – دەيدى سۇلەيمەنوۆ ۆەدومستۆودا وتكەن بريفينگتە.
الايدا 2026 جىلعا ارنالعان بولجام ءسال تومەندەدى – ەكونوميكانىڭ ءوسۋى 4-5% دەڭگەيىندە بولادى دەپ كۇتىلۋدە. بۇعان حالىقارالىق نارىقتاعى مۇناي مەن شيكىزات باعاسىنىڭ السىرەۋى جانە باسقا دا سىرتقى-ىشكى فاكتورلار سەبەپ.
2027 جىلعا قاراي ەل ەكونوميكاسى باياۋ، بىراق تۇراقتى وسىمگە كوشەدى. ۇلتتىق بانكتىڭ بولجامىنشا، بۇل كەزەڭدە ۇكىمەت بيۋدجەت شىعىستارىن قىسقارتىپ، قارجىلىق ساياساتتى كۇشەيتەدى. مۇنداي ساياسات ەكونوميكانى ورتاشا تاريحي دەڭگەيگە تۇسىرەدى.
Abai.kz
