2025 جىلعى 12 ماۋسىمدا ساعات 15:00-دە قازاقستان رەسپۋبليكاسىنىڭ ۇلتتىق مۋزەيىندە قازاقتىڭ ۇلى عالىمى، اعارتۋشىسى، ساياحاتشىسى جانە ەتنوگرافى شوقان شىڭعىسۇلى ءۋاليحانوۆتىڭ تۋعانىنا 190 جىل تولۋىنا ارنالعان «شوقان ءۋاليحانوۆ – قازاقتىڭ ۇلى عالىمى» اتتى مەرەيتويلىق كورمەنىڭ اشىلۋ سالتاناتى وتەدى.

كورمە قر ۇلتتىق مۋزەيى، ش.ءۋاليحانوۆ اتىنداعى التىنەمەل مەموريالدىق مۋزەيى، سىرىمبەت تاريحي-ەتنوگرافيالىق مۋزەيىنىڭ بىرلەسۋىمەن ۇيىمداستىرىلادى.

ماقساتى: شوقان ءۋاليحانوۆتىڭ ءومىرى مەن عىلىمي قىزمەتىنىڭ ماڭىزدى كەزەڭدەرىن كورسەتۋ ارقىلى ونىڭ ورتالىق ازيا مەن قازاقستان حالىقتارىنىڭ تاريحى مەن مادەنيەتىن زەرتتەۋگە قوسقان ەلەۋلى ۇلەسىن كەڭىنەن ناسيحاتتاۋ.

كورمەنىڭ نەگىزگى بولىمدەرى:

- شوقان ءۋاليحانوۆتىڭ ءومىرى مەن قىزمەتى. بالالىق شاعى، ومبىداعى ءسىبىر كادەت كورپۋسىنداعى وقۋ جىلدارى، العاشقى زەرتتەۋلەرى.

- قاشعار جورىعى. 1858–1859 جىلدارى جاساعان ايگىلى ەكسپەديتسياسى، ناتيجەسىندە شوقان ەسىمى ەۋروپاعا تانىلدى.

- عىلىمي مۇراسى. تاريح، ەتنوگرافيا، قۇقىق، گەوگرافيا سالالارىنداعى ەڭبەكتەرى.

- شوقان بەينەسى ونەردە. ادەبيەت، كەسكىندەمە، كينوداعى كورىنىسى.

ەكسپوزيتسيادا:

• عالىمنىڭ قولجازبالارى، حاتتارى، عىلىمي ەڭبەكتەرى;
• جەكە زاتتارى: تاپانشا، ساندىق، بەلبەۋ، وتباسىلىق بۇيىمدار;
• قاشعار ساپارىنا ارنالعان كورنەكى ماتەريالدار;
• مۇراعاتتار مەن مۋزەيلەردەن الىنعان فوتوقۇجاتتار.

كورمەنىڭ اشىلۋ كۇنى عالىمنىڭ عىلىمي مۇراسى مەن قوعامداعى ءرولىن تالقىلايتىن دوڭگەلەك ۇستەل وتەدى. وعان وتاندىق تاريحشىلار، ەتنوگرافتار، ونەرتانۋشىلار، مۋزەي قىزمەتكەرلەرى جانە ستۋدەنتتەر قاتىسادى.

كورمە 12 شىلدەگە دەيىن جالعاسادى.

باق وكىلدەرىنىڭ نازارىنا!

اككرەديتاتسيانى nmrk.muzei@mail.ru پوشتاسىنا

11 ماۋسىم كۇنى ساعات 18:00-گە دەيىن جىبەرۋ قاجەت.

Abai.kz