ءيزرايلدىڭ بىرنەشە جويعىش ۇشاعى 13 ماۋسىمدا يرانعا جاسالعان اۋە شابۋىلى كەزىندە تۇركيانىڭ اۋە كەڭىستىگىن بۇزعان.  

بۇل تۋرالى Hürriyet گازەتىنىڭ شولۋشىسى حاندە فىرات وزىنىڭ دەرەككوزدەرىنە سىلتەمە جاساپ حابارلادى.

تۇركيانىڭ اۋە كۇشتەرى يزرايلدىك ۇشاقتاردى انىقتاعاننان كەيىن بىرنەشە F-16 ۇشاعىن كوككە كوتەرىپ، شەكارا بۇزعان ۇشقىشتارعا ەل اۋماعىنان دەرەۋ شىعۋ تۋرالى نۇسقاۋ بەرگەن. ۇشقىشتار بۇل بۇيرىقتى بىردەن ورىنداعان. تۇركيا تاراپى بۇل وقيعانى كەزدەيسوق جاعداي رەتىندە باعالاپ وتىر.

سونىمەن قاتار، گازەت شولۋشىسى ءيزرايلدىڭ اسكەري-اۋە كۇشتەرى كوبىنە كورشىلەس سيريا مەن يراك اۋماعى ارقىلى ۇشاتىنىن اتاپ ءوتتى. سيريادا اۋە شابۋىلىنا قارسى قورعانىس جۇيەسى بولماعاندىقتان، يزرايل تاراپىنان ەشقانداي رۇقسات سۇرالمايدى. ال يراك اۋە كەڭىستىگى اقش-تىڭ باقىلاۋىندا جانە يزرايلگە اشىق.

Abai.kz