2030 جىلعا دەيىن قتج جولاۋشىلار ۆاگون پاركىن 100 پايىزعا جاڭارتۋدى كوزدەيدى. اۋقىمدى جاڭعىرتۋ باعدارلاماسى اياسىندا Stadler كومپانياسىنىڭ وندىرىسىنەن شىققان 557 زاماناۋي ۆاگون جەتكىزۋ جوسپارلانعان. ونىڭ العاشقى 51 بىرلىگى بيىلعى جىلدىڭ سوڭىنا دەيىن پايدالانۋعا بەرىلەدى.

سونىمەن قاتار، جاڭارتۋ جۇمىستارى وتاندىق ءوندىرىس مۇمكىندىكتەرىن پايدالانا وتىرىپ جۇزەگە اسىرىلۋدا. پەتروپاۆل قالاسىنداعى زيكستو زاۋىتىندا قۇراستىرىلىپ جاتقان جاڭا ۇلگىدەگى ۆاگوندار زاماناۋي تالاپتارعا تولىق ساي كەلەدى. بيىل قتج 107 ۆاگوندى قابىلداۋدى جوسپارلاپ وتىر. استانا – كۋرورت بۋراباي جانە استانا – قاراعاندى باعىتتارىنا جاڭا ۇلگىدەگى، 18 ۆاگوننان تۇراتىن ەكى ەلەكتر پويىزى جولعا شىقتى. جاقىن ارادا تاعى ءبىر قۇرام جەتكىزىلەدى دەپ كۇتىلۋدە. بۇدان بولەك، 2027 جىلعا دەيىن وتاندىق وندىرۋشىدەن قوسىمشا 350 ۆاگون ساتىپ الۋ تۋرالى كەلىسىم جاساسۋ كوزدەلىپ وتىر.

بۇگىنگى تاڭدا قتج-نىڭ جولاۋشىلارعا قىزمەت كورسەتەتىن جىلجىمالى قۇرام پاركى 2 167 بىرلىكتى قۇرايدى. ونىڭ ىشىندە 732 Talgo ۆاگونى، 1 321 ستاندارتتى ۆاگون جانە 114 موتور-ۆاگوندى قۇرام بار.

«قازاقستان تەمىر جولى» ۇك» اق ءباسپاسوز قىزمەتى 

Abai.kz