اباي اۋدانىندا جاڭا جىلىجاي، ناۋبايحانا جانە ينۆاتاكسي ىسكە قوسىلدى. وسىنىڭ ءبارى «اۋىل اماناتى» اۋىل بيزنەسىن دامىتۋدى قولداۋ باعدارلاماسى بويىنشا قارجىلاندىرۋدىڭ ارقاسىندا مۇمكىن بولدى.

ەندى اباي اۋدانىنىڭ قويباس اۋىلىنىڭ تۇرعىندارى جىل بويى جەرگىلىكتى قيار مەن قىزاناق ساتىپ الا الادى. كوكونىستەر «قويباس ونىمدەرى» جىلىجايىندا وسىرىلەدى.

جىلىجايدىڭ اۋدانى – 200 م². وندا وسەتىن كوكونىستەردى ءبىر جالدامالى جۇمىسشى كۇتەدى.

توپار اۋىلىندا «اۋىل اماناتى» باعدارلاماسىنىڭ ارقاسىندا ينۆاتاكسي دە ىسكە قوسىلدى.

الىنعان اقشاعا كاسىپكەر ارنايى اۆتوكولىك ساتىپ العان، وندا مۇگەدەكتەر ارباسىنا تاڭىلعان ادامداردى تاسىمالداۋ ىڭعايلى. بۇل جوبا پايدا اكەلمەيدى: ول اۋىلدا تۇراتىن ەرەكشە مۇقتاج ادامداردىڭ قاجەتتىلىكتەرىن قامتاماسىز ەتۋگە باعىتتالعان.

ابايدا «اۋىل اماناتى» باعدارلاماسى بويىنشا قارجىلاندىرۋ ەسەبىنەن جاڭا ناۋبايحانا اشىلدى.

كاسىپكەر ۆاديم انيچكين العان قارجىسىنا پەشتەر، بولەكتەۋ شكافتارى، بولشەكتەۋ ۇستەلدەرى مەن مۇزداتقىش كامەرالار ساتىپ الدى.

قازىر ناۋبايحانا كۇن سايىن مىڭ نان شىعارادى. وندا ءتورت جالدامالى قىزمەتكەر جۇمىس ىستەيدى.

«اۋىل اماناتى» باعدارلاماسىنىڭ ارقاسىندا اشىلعان سارەپتى اۋىلىنىڭ تىگىن تسەحىندا جەكە تاپسىرىس بويىنشا كيىم تىگىلەدى.

جامانجول اۋىلىنداعى ءسۇت فەرماسىنا اۋىل بيزنەسىن قولداۋ باعدارلاماسى بويىنشا قارجىلاندىرۋ ەسەبىنەن جاڭا تراكتور ساتىپ الىندى.

ەندى فەرمەر ءوزىنىڭ جەمشوپ بازاسىن قالىپتاستىرا الادى جانە جەتكىزۋشىلەرگە تاۋەلدى بولمايدى. بۇل ءوز كەزەگىندە تۇپكى تۇتىنۋشى ءۇشىن ءسۇت پەن ەت باعاسىنىڭ ءوسۋىن تەجەۋگە الىپ كەلۋى ءتيىس.

«اۋىل اماناتى» باعدارلاماسى اۋىل شارۋاشىلىعىن دامىتۋعا عانا ەمەس، اۋىلداردا زاماناۋي كافەلەر اشۋعا، دۇكەندەر اسسورتيمەنتىن كەڭەيتۋگە مۇمكىندىك بەرەدى.

Abai.kz