قر تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋى وزگەرەدى.

ونداعى «ەلباسى» ءسوزى ءتۇسىپ قالىپ، جوو اتاۋى جاي عانا قر ۇلتتىق قورعانىس ۋنيۆەرسيتەتى بولىپ قالادى.

تۇزەتۋگە ۇشىرايتىن قۇجاتتىڭ اتاۋى - «جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ەرەكشە مارتەبەسى تۋرالى ەرەجەنى بەكىتۋ تۋرالى» ۇكىمەت قاۋلىسى.

قاۋلىعا ۇلتتىق قوردان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋدى كوزدەيتىن زاڭ اياسىندا تۇزەتۋ ەنگىزۋ قاجەتتىگى تۋىنداعان.

جوبامەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ اتاۋىن قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى دەپ وزگەرىستەر ەنگىزۋ كوزدەلگەن، - دەپ جازىلعان ەرەجەنىڭ سيپاتتاماسىندا.

Abai.kz