LS مالىمەتىنشە، ۇلتتىق تسيفرلىق ينۆەستيتسيالىق پلاتفورما قۇرامىنان قۇنى 184 ملرد تەڭگە بولاتىن جوبا الىنىپ تاستالدى. اقتوبە وبلىسى اكىمدىگىندەگىلەر بۇل باستاپقىدا تيتان-تسيركوني كەندەرىن ءوندىرۋ جانە وڭدەۋ بويىنشا كەن بايىتۋ كەشەنىن سالۋ جوسپارى بولعانىن اتاپ ءوتتى. نىساننىڭ جالپى قۇنى 184 ملرد تەڭگەگە باعالانعان. جوبانىڭ باستاماشىسى — رەسەي كومپانياسى.

– جوبانى جۇزەگە اسىرۋ ءۇشىن كەن ورىندارىندا كەن بايىتۋ جانە كەيىن كونتسەنتراتتاردى حيميالىق كومبيناتتاردا وڭدەۋ جولىمەن تىك ينتەگراتسيالانعان ءوندىرىس قۇرىلۋى قاجەت ەدى. الايدا بۇعان دەيىن جۇرگىزىلگەن گەولوگيالىق بارلاۋ جۇمىستارى بويىنشا قوسىمشا زەرتتەۋلەر قاجەتتىلىگىنە بايلانىستى جوبانى جۇزەگە اسىرۋ بەلگىسىز مەرزىمگە شەگەرىلدى، – دەپ مالىمدەدى اكىمدىك وكىلدەرى.

كاسىپورىننىڭ قۋاتتىلىعى بۇعان دەيىن جىلىنا 2,2 مىڭ توننا ءونىم كولەمىندە باعالانعان. جوبا اياسىندا 600 جۇمىس ورنىن اشۋ جوسپارلانعان بولاتىن.